(Unicode) When He Comes, Close Your Eyes - MM Translation {Completed}

Chapter 54

ရှည်လျားသော လမ်းသွယ်လေးက အဆုံးမတွေ့နိုင်သည့် ကားတမ်းရှည်ကြီးနှင့် ပျားပန်းခတ်လှုပ်ရှားသွားလာနေကြသော လမ်းသွားလမ်းလာများနှင့် ဆူညံနေသည်. လွန်ခဲ့သည့်မိနစ်အနည်းငယ်လောက်က Bao Jin Yan ပျောက်ကွယ်သွားခဲ့သော လမ်းကျဉ်းလေးထဲသို့ နေရောင်ခြည်က တောက်ပစွာ ထွန်းလင်းနေသည်.

Jian Yao က လိုက်သွားရန် ဆုံးဖြတ်လိုက်ပြီး ကားထဲက ထွက်လိုက်သည်.
အန္တရာယ်ရှိမှန်း သိပါတယ်... ဒါပေမယ့် ကျွန်မ ဂရုစိုက်ပါ့မယ်...

Bao Jin Yan က ပါရမီရှင်ဖြစ်သည်. အခုတော့ သူက စိတ်မတည်ငြိမ်သည့် လူသတ်သမားကို လိုက်လံဖမ်းဆီးနေသည်. ထို့ကြောင့် သူတစ်ယောက်တည်း သွားဖို့ သူ(မ)ခွင့်မပြုနိုင်ပေ.

လူအုပ်ကြီးကို ဖြတ်သန်းနေရင်း အတွေးများ ဝင်ရောက်လာသည်.
သူက လှုက်ရှားမှုဆိုင်ရာ ကိစ္စရပ်များက ရဲများ၏ တာဝန်ဖြစ်သင့်သည်ဟု အမြဲပြောဆိုနေသော်လည်း သံသယရှိသူများနှင့် မျက်နှာချင်းဆိုင်တွေ့လိုက်သည့်အချိန်တိုင်း သို့မဟုတ် တစ်ယောက်ယောက်က အန္တရာယ်ရှိနေသည်ကို မြင်လိုက်သည့်အချိန်တိုင်း အကူအညီပေးဖို့ အလျင်အမြန်သွားလေ့ရှိသည်.

Sun Yong ကို သတိမေ့သွားအောင် တုတ်နဲ့ရိုက်ချဖူးသည်..
Huo Xiao Lu ပိတ်လှောင်ထားသည့် ကောင်လေးကို ကယ်တယ်နိုင်ဖို့ ပြေးထွက်သွားဖူးသည်..
ပြီးတော့ အခုတကြိမ်မှာလည်း...

အထက်စီးဆန်ပေမယ့် ယုံကြည်ချက် ခိုင်မာတယ်...
Jin Yan ကျေးဇူးပြုပြီး လုံခြုံအောင်နေပါ...

သူ(မ) လမ်းကျဉ်းလေးထဲသို့ ဝင်ရောက်တော့မည့်အချိန်တွင် အရာရှိအချို့ ရောက်ရှိလာသည်. Jian Yao စိတ်သက်သာရာရသွားသည်. အရပ်ရှည်ရှည်နှင့် အရာရှိတစ်ဦးက Jian Yao ကို ကာဆီးလိုက်ပြီး
"ဒီမှာပဲ နေပါ..."
ထို့နောက် သူနှင့် အခြားအရာရှိသုံးဦးက ကျဉ်းမြောင်းလှသော လမ်းလေးထဲသို့ အမြန်ပြေးဝင်သွားလိုက်သည်.

Jian Yao စိုးရိမ်တကြီးနှင့် လှမ်းကြည့်နေသည်. သူ၏အနောက်ဘက်တွင် ခြေကျင်လမ်းသွားနေသူအများစုက စုဝေးလာကြသည်. ဘာတွေဖြစ်ပျက်နေလဲဆိုသည်ကို တိတိကျကျမြင်နိုင်ဖို့ Jian Yao အတွက် အလွန်ဝေးကွာလွန်းနေသည်. သူ၏မြင်ကွင်းကိုလည်း ရဲအရာရှိများက ပိတ်ဆို့ထားသည်. သူဝိုးတဝါးမြင်ရသလောက်ကတော့ လှုပ်ရှားမှုများစွာရှိနေပြီးတယောက်ယောက်က မြေကြီးပေါ် ပြုတ်ကျသွားသကဲ့သို့ 'ဒုန်း' ဟူသောအသံကို ကြားလိုက်ရသည်.