အခန်းတွင်းစပီကာမှ ထွက်ပေါ်လာသော
ဘဲလ်သံသည်ကား ဗေလုဝစောင်းသံပမာ
နားဝင်ချိုလှသည်။ နေသစ်ဝမ်းသာအားရ
စာအုပ်ကို အိတ်ထဲကောက်ထည့်မည်ပြင်
စဉ်
"ဒီနေ့ အချိန်ပိုယူမယ်လို့ ခင်ဗျားတို့ကို ကျွန်တော်ပြောထားတယ်မလား" ဟူသော
ကထိက၏ သြဇာဓာတ်ပြည့်ဝသောစကား
သံသည် ဘဲလ်သံနောက်မှ အောင်မြင်ခန့်ညားစွာထွက်ပေါ်လာလေ၏။
အခန်းထဲမှ ကျောင်းသားအားလုံးသည်
လည်း "ဟုတ်ကဲ့" ဟူသော စကားသံတွင်
အရေးအကြောင်းထူးကဲမှုမပါ။ ဘေးနားတွင်ထိုင်နေကြပါသော မိုးလွင် နှင့် မိအရုဏ်လင်းဝေ သည်လည်း မင်သေသေမျက်နှာပေးများဖြင့်ပင်။ သေချာပြီ ဒီကောင်တွေနေသစ်ကို ဆေးဝိုင်းထိုးလိုက်ကြပြီဖြစ်၏။ အရှေ့တွင် အားကြိုးမာန်
ပါ စွာဖြင့် စာဆက်သင်နေသော ဆရာ့ကို
ရှုံ့မဲ့မဲ့ထိုင်ကြည့်နေမိသောအခါ ရယ်သံ
တိုးတိုးတို့ဖြင့် လှောင်ကြသည်။
နေသစ်ကိုက ကံဆိုးတာပါ။ မနက်ကလည်း အိပ်ရာထနောက်ကျသည်။ ပထမ
ဆုံးအတန်းချိန်ကလည်း နေသစ်ကျူရှင်
မယူသည့် Java(Programming Language in Java) အတန်းချိန်ဖြစ်၍
မပျက်ချင်တာနဲ့ ကန်တင်းမဝင်ဘဲ ဗိုက်
ဟောင်းလောင်းနဲ့သာ စာသင်လိုက်ရသည်။ Java ချိန်ပြီးပြီးချင်း လစ်ထွက်
ချိန်တောင်မရလိုက်...အတန်းနောက်
ပေါက်မှာ ဆရာက ခန့်ခန့်ကြီးရပ်နေ၍ အတန်းထဲ ခြေချုပ်မိခံလိုက်ရသည်။ အခု
တော့ ဗိုက်ထဲ တကျုတ်ကျုတ်နှင့်ဖြစ်
နေပြီ။ ဗိုက်ဆာ၍ ဒေါက ကန်လာသည်။
"မအေပေးတွေ ငါ့ကိုဆေးတွေသွင်းထား
တယ်နော်...အချိန်ပိုသင်မယ်ဆိုတာသိ
လည်း အကြောင်းလေးဘာလေးကြားကြ
လေ"
မိုးလွင်။ ။ "မင်း ဘာသာမင်း မနေ့ကကျောင်းမတက်လို့မသိတာလေ"
ဟိန်းထက် ။ ။"မင်းကရော မေးလို့လား"
အရုဏ်။ ။"အေးလေ...သူ့ကိုယ်သူ သောက်ထာကျတဲ့ ဘောသမားကြီးဆိုပြီး သွားသောက်တာလေ"
တစ်ယောက်တစ်ပေါက်ပြောပြီးနောက်
နောက်ဆုံးပိတ်အနေဖြင့် "သေလေ"
ဟူသော စကားလုံးဖြင့်ပြိုင်တူသဆွမ်းကြီးဝိုင်းလောင်းကြသည်။
နေသစ် လည်း အသံထွက်ဆဲ၍
သော်လည်းကောင်း ၊ ထုတ်ဆဲရန်မသင့်သည်များကို အသံတိတ်ဖြင့်သော်လည်း
ကောင်း သင့်တော်ရာဖြင့် အပိုင်းလိုက်ခွဲ
ဆဲပေးနေလိုက်တော့သည်။
