هالووووو✋👏❤🌺
كـــــــــــــــــل الجروبات اللي بتتنشر عليها الرواية تقريبًا وحتى الواتباد بيقولوا آسر وسما أغبية وتعبوا زيادة عن اللزوم............. تمـــــــــــــــــــام
تعالوا معايا بالترتيب كده وكله بالمنطق 💙
طفل___ بين والدين تقريبًا بينهم مشاكل الدنيا ووالدته مش عارفة تطلق وبتكره جوزها جــــــــدًا وهو بيحبها أوي ولكن كرهها ليه خلاه يعاملها معاملة سيئة جدًا بعد ما يأس منها...
طفل ___ عنده حوالي عشر سنين عارف أن امه بتحب واحد تاني وبتكلمه في التليفون والأسوء من ده أنه عارف ووالده قاله أنها اتجوزته عشان فلوسه وكانت فاكرة أنها هتعرف تطلق بسرعة وترجع لحبيبها ولكن معرفتش فحولت حياتها لجحيم.... حياتها الي من ضمنها ابنها اللي مش بتكرهه ولكن هي كارهة حياتها كلها بسبب جوزها ده وتمسكه بيها......
طفل___ كبر على كلام ابوه اللي كرهه في مخلوق اسمه امرأة وصورهم كأنهم شياطين مابيعرفوش يحبوا ولا يخلصوا وكلهم خاينين ولأن في شيء كمان حصل لوالد آسر لسه هذكره....
بعد كده امه وابوه ماتوا في الحادث اللي اتكلمنا عليه في الرواية......يعني كبر يتيم ونبذة العطف القليلة اللي كان بيديهاله والديه اتحرم منها كمان.....
هل تركيبة الطفل ده هتطلع سوية؟ طفل خلاص اتزرع في دماغه شيء وكبر عليه وبقى مش بيكره الستات ولكن بيخاف منهم ومن غدرهم وانهم بيظهروا عكس اللي جواهم والخ الخ الخ.... واللي زاد الأمر سوء أن عمهم الوحيد مكنش اتجوز يعني مافيش أي عنصر نسائي يغير نظرته اصلًا.....
انتوا قولتوا تايه ودي حقيقة....في كتير مننا بيتعرض لمواقف كتير في طفولته سواء من الأهل او القرايب مابيعرفش ينساها وبتأثر فيه وفي تفكيره وثقته بنفسه حتى بعد ما يكبر......
سما بقى اللي قولتوا غبية......هي فعلًا كانت غبية لما ادلقت وبينت اعجابها بيه، لما ما راعتش حاجات كتير ونسيت أن ماينفعش تتساهل في الكلام والهزار والضحك رغم انها مش بنت وحشة ولكن احنا بنغلط ومش معنى أننا غلطنا اننا مش محترمين.... تعرفوا لو كانت زي البنات التانيين من الأول وعارفة حدودها أوي آســـــــــــــــر كان جري وراها واتمنالها الرضى ترضى ومكانش شك فيها وفي تصرفاتها من البداية.....
لكن بعد كده هي مش غبية يا جماعة...تصرفها شيفاه طبيعي ومنطقي وماتنسوش أنها رغم كل اللي عمله رفضت تشتغل مع خالد وقررت تكمل في المكتب وتسامح ولكنه طردها!!
هل منطقي بقى بعد اللي حصل أنها تنسى ده كلــــــــــه عشان كلمة "بحبك " اللي ممكن فعلًا أي حد يستخدمها عشان يوصل لهدفه اللي هو بعيد عن الارتباط.....
مافيش اسهل من كلمة بحبك بالكدب في وقتنا ده....
هل هافضل تثق فيه؟ الثقة والآمان والاحترام أهم من الحب
صدقت خالد رغم أن البنات حذروها منه ولكن هل في دليل ان خالد كداب عشان تكدبه ؟ طب وهتكدبه أزاي وهي اصلا جربت كدب آسر عليها واللي قاله خالد مكنش صدمة بالنسبالها لأن ده اصلا اللي كان جواها ومحيرها.....
خالد اما سمع كلام سما رتب خطته عليه وعارف أن آسر مش هيكدبه ووقع آسر في الفخ للأسف...
هاتقولولي ليه خالد مستقصد آسر بالذات؟
ذكرت في حلقة الحفلة بتاعت فرح سمر أن آسر كان بينصح خالد كتير دون عن الشباب الباقي وكمان آسر شاف خالد في وضع مش تمام في المكتب مع شاهي وقال لعمه وده كان سبب طرد خالد قبل كده
وسبب أن آسر نسي كل أصراره واتنازل عن كبريائه ووافق يرجع الشركة عشانها......
بالنسبالي لو في حد غلطان يبقى سما في البداية انما آسر فعلا بيعاني وعقدته مسيطرة عليه يعني يعتبر مريض نفسي...
انما سما لو كانت اركز واثبت من كده مكنتس هتدخل فيكل المشاكل دي وده دليل أن الطريق المستقيم من البداية مافيهوش منحنيات ولا ميل وعثراته أقل بكتير.....
#روبا
أنت تقرأ
امبراطورية الرجال ... للكاتبة رحاب ابراهيم
Roman d'amourاربع شباب هم ورثة عائلة من فروع استقراطية قديمة العهد..رسم كلاً منهما وجهةٍ لحياته خاصة به..بينما يأبى العم الأعزب والمسؤول عنهم بعد وفاة آبائهم في حادثة أن ينغمس كل شاب فيهم بحياته فيقرر أن يسلبهم من إرثهم عقاباً على استهتارهم..فتقذفهم الحياة للحي...
