ပြိုင်ဘက်ကင်းဆေးနတ်ဘုရား
ဘာသာပြန်သူ-ဖြိုးသူဝင်း
Book(48)
Chapter-2
(ဒေါသတကြီးရိုက်ချက်တစ်ခု)
"ဝေါ့….."
နောက်ဆုံးတွင် အရောင်နှစ်သွယ် မိုးကောင်းကင်စစ်ဆေးခြင်း မိုးကြိုးလျှပ်စီးတစ်ခုက ယီယွမ်၏ ခန္ဓာကိုယ်ပေါ်သို့ ပြင်းထန်စွာကျရောက်သွားခဲ့သည်။ ယီယွမ်က ချက်ချင်းပင် သွေးတစ်ပွက်အန်သွားခဲ့၏။
သူ၏ လက်ရှိခန္ဓာကိုယ်က အလွန်အစွမ်းထက်နေသည့်တိုင် ထိုမျှအထိ အစွမ်းထက်သော မိုးကောင်းကင်စစ်ဆေးခြင်းနှင့် ကြုံတွေ့ရချိန်၌ သူ၏ခန္ဓာကိုယ်က ချက်ချင်းပင် ဒဏ်ရာရသွားခဲ့သည်။
သူ၏သဘာဝစွမ်းအင်များကို ဆုံးရှုံးသွားခဲ့ပြီဖြစ်ပြီး သူ၏ စိတ်ဝိညာဥ်ခွန်အားကလည်း ကုန်ဆုံးသွားခဲ့ပြီဖြစ်၏။ ဤထိခိုက်မှုက သူ၏အော်ရာကို အောက်ဆုံးအဆင့်အထိ ရောက်ရှိသွားစေခဲ့သည်။
ဤအရာက ၇၈ခုမြောက် အရောင်နှစ်သွယ် မိုးကောင်းကင်စစ်ဆေးခြင်းဖြစ်၏။ နောက်တွင် မိုးကြိုးလျှပ်စီးသုံးခုသာ ကျန်ရစ်ပေတော့သည်။
သို့ရာတွင် နောက်ဆုံးကျန်ရစ်သော မိုးကောင်းကင်စစ်ဆေးခြင်းသုံးခုက သေစေနိုင်သော မိုးကောင်းကင်စစ်ဆေးခြင်း မိုးကြိုးလျှပ်စီးသုံးခု ဖြစ်ပေ၏။
ယီယွမ်၏ခန္ဓာကိုယ်အတွင်းရှိ အမည်မဲ့သဘာဝစွမ်းအင်ကို အသုံးပြုရခြင်းမရှိသေးပေ။ သူက မိုးကြိုးလျှပ်စီးစစ်ဆေးခြင်းကို ခုခံရန်အတွက် ဤသဘာဝစွမ်းအင်ကို အသုံးပြု၍ရပေသည်။
သို့သော် သူ၏စိတ်ဝိညာဥ်ခွန်အားက ခြောက်သွေ့သွားခဲ့ပြီဖြစ်၏။ ခရမ်းနုရောင် မိုးကြိုးလျှပ်စီးများ၏ ဖျက်ဆီးမှုကို ဖြေရှင်းနိုင်ရန် လုံးဝမဖြစ်နိုင်တော့ပေ။
ယီယွမ်က ဒဏ်ရာပြင်းထန်စွာရရှိပြီး သွေးအန်သွားသည်ကို မြင်သော် ရှန့်ကွမ်ယွင်ရုံတို့ တူဝရီးက အလွန်စိတ်လှုပ်ရှားသွားခဲ့သည်။
"ဟားဟားဟား… ယီယွမ်… မင်းက ငါတို့ကို အစစ်အမှန်ဂျီးနီးယပ်တစ်ယောက်က ဘယ်လိုလဲဆိုတာ ပြသပေးမယ်လို့ စောစောက ပြောခဲ့တယ်မဟုတ်လား… တကယ်လို့ မင်းမှာအစွမ်းရှိတယ်ဆိုရင် ဒီမိုးကြိုးလျှပ်စီးစစ်ဆေးခြင်းကို ကျော်ဖြတ်ပြဦးလေ… မင်းရဲ့သဘာဝစွမ်းအင်တွေနဲ့ စိတ်ဝိညာဥ်ခွန်အား နှစ်မျိုးစလုံး ကုန်စင်သွားခဲ့ပြီ… မိုးကောင်းကင်စစ်ဆေးခြင်းရဲ့ မိုးကြိုးလျှပ်စီး သုံးခုပဲ ကျန်ခဲ့တယ်ဆိုပေမဲ့ အဲဒီမိုးကြိုးလျှပ်စီးသုံးခုက မင်းရဲ့အသက်ကို ယူဆောင်သွားတော့မယ်… ဟားဟားဟား….."
YOU ARE READING
ပြိုင်ဘက်ကင်းဆေးနတ်ဘုရား(part-4)
Fantasy(ပြိုင်ဘက်ကင်းဆေးနတ်ဘုရား) ချင်ယန်ကျိဟာ သစ္စာဖောက်တစ်ယောက် လက်ချက်ကြောင့် သေဆုံးခဲ့ရတယ်။အရာအားလုံးပြီးဆုံးသွားပြီလို့ ထင်ရပေမဲ့ တကယ်တမ်းမှာတော့ မပြီးဆုံးခဲ့ပါဘူး။ သူဟာ ယီယွမ် လို့ခေါ်တဲ့ သူဋ္ဌေးသား တစ်ယောက်ရဲ့ ခန္ဓာကိုယ်မှာ ပြန်လည်နိုးထအသက်ဝင်လာခဲ့ရ...
