- الجملتين اللي كاي و إميليا قالوهم في الخاتمة الجزء الأول " the moon is beautiful , i could die for you " :
زمان في اليابان القديمة كان اللي يقول لواحدة ' أنا بحبك ' بصريح العبارة كده زي ما بنقولها النهاردة يعتبر بالنسبالهم قليل الأدب و مترباش و بالبلدي كده ياخد عليها الكف المحترم 😂 إنما لما يقولها ' القمر جميل ' معناه انه بيقولها إنه بيحبها لانها قمره ، فهي عشان الحرج يا عيني بدل ما تقوله ' وانا كمان ' تقوله بدلاً منها ' انا ممكن اموت عشانك ' 😅 يعني العبارتين دول تصريح مخفي بالحب 😊
- أوبال و إميرالد و التافييت الوردي و التورلين العسلي و زافير دول كلهم أسماء لأحجار كريمة ، أما فيوليت و أماريليس و إميليا ( من كاميليا بس شلت الكاف ) و آيريس و آستر و لوركسبر و أنثوريا كلهم دول أسماء ازهار .
- زهرة الأماريليس ليها اسطورة عند اليونانيين ؛ الاسطورة دي بتقول ان في واحدة اسمها امارولس حبت راعي غنم ، بس عشان راعي الغنم دا مكنش بيحبها كانت بتجيب زهرة الأماريليس البيضا وتحطها قدام عتبة بابه وتمشي ، يوم بعد يوم حب راعي الغنم دا الشخص اللي بيحطله الزهرة دي عالباب كل يوم ، واستمر الحال لمدة شهر لغاية ما فيوم كانت بتحط وردتها كالعادة سهم اخترق قلبها وماتت عند عتبة باب الراعي جنب الأماريليس البيضا اللي بقى لونها أحمر من دمها ، تاني يوم صحي الراعي و راح يشوف عتبة بابه لقى أمارولس ميتة و وردتها البيضا جنبها شربت من دمها وبقى لونها أحمر عشان كدا تلاقي معظم ازهار الأماريليس حمراء او بيضا قلما تلاقوها بلون تاني غير دول ...
- الثعلب صاحب التسع ذيول دا فعلا روح من أرواح الغابة عند اليابانيين وبيدل على الخصوبة و الخير الكتير ، هو الثعلب اه مكار بس ميمنعش انه كائن كيووووووت كدا ؛ ولا انتوا مش موافقيني الرأي ؟
