Unicode
ရှောင်းကျန့်ရဲ့တစ်နေ့တာက ရုံးရောက်တာနဲ့အလုပ်စားပွဲကနေ တစ်ချက်ကလေးမှမထရ။
လက်မှတ်ထိုးစရာစာရွက်စာတမ်းတွေပုံနေတဲ့အပြင် ရင်းနှီးမြှုပ်နှံမယ့်လုပ်ငန်းရှင်တွေရဲ့အကြောင်းကိုလည်းလေ့လာနေရသေးတာမလို့ လုပ်စရာတွေကတောင်ပုံရာပုံ။
UKမသွားခင် ဒီကလုပ်ငန်းတွေအတွက်အစီအစဉ်ချပြီးညွှန်ကြားစရာတွေရှိတော့ မကြာခဏဆိုသလို ကုမ္ပဏီရဲ့ဌာနအသီးသီးက၀န်ထမ်းတွေနဲ့အစည်းအဝေးလုပ်ရတယ်။
ဒီကြားထဲ ကျန်းချန်ကိုလည်း ခေါင်းထဲပေါ်သမျှမှာစရာရှိတာတွေ မှာနေရတာမလို့ အားလပ်ချိန်ကိုမရှိ။
ဒီလိုအားလပ်ချိန်မရှိတာတောင်မှ ရိပေါ်အကြောင်းတွေကခေါင်းထဲရောက်လာတတ်သေးတာမလို့ ချက်ချင်းပြေးတွေ့ချင်စိတ်တွေကိုထိန်းချုပ်ထားရတာမသက်သာလှ။
မတွေ့ရတာလည်းတစ်ပတ်ကျော်နှစ်ပတ်လောက်ရှိနေတဲ့အပြင် ဒီရက်ထဲ ဘာကြောင့်မှန်းမသိ ရိပေါ်က ဖုန်းလေးတောင်မဆက်။
ခါတိုင်းဆို တစ်နေ့နှစ်ခါလောက်အကြောင်းမရှိအကြောင်းရှာဆက်တတ်တဲ့သူက ခုဆိုရှောင်းကျန့်ဘက်က စဆက်တာတောင်မကိုင်သလို ပြန်လည်းမဆက်လာတာကြောင့် ရှောင်းကျန့်မှာလွမ်းတဲ့စိတ်ကိုအတင်းမြိုသိပ်နေရတယ်။
တလောက ရုံးခန်းမှာကျန်းချန်ကို ရိပေါ်အကြောင်းပြောပြတိုင်ပင်ထားတာကို အခုထိအကောင်အထည်မဖော်နိုင်လောက်အောင် အလုပ်များနေတာဖြစ်တယ်။
Flash back~~~~
"မင်း ရိပေါ်ကိုချစ်နေတာမလား"
"အင်းးးး..အရမ်းချစ်တယ်"
"အဲ့ဒါဆို ဖွင့်ပြောလိုက်တော့လေ"
"အဲ့တာကပြဿနာဖြစ်နေတာ၊ငါထွက်သွားဖို့ကသိပ်မလိုတော့ဘူး၊သွားဖြစ်ရင်လည်း ဘယ်နှနှစ်ကြာမယ်မှန်းမသိဘူး၊ရိပေါ်ကိုဖွင့်ပြောပြီးရင် သူကငါ့ကိုအဝေးသွားခွင့်ပြုမှာမဟုတ်တာသေချာတယ်၊မင်းသိတဲ့အတိုင်းပဲ ငါ့အခြေအနေကထွက်မသွားလို့လဲမဖြစ်ဘူးလေ၊ပြီးတော့ သူကငယ်သေးတယ်၊သူ့အိပ်မက်တွေရှိသေးတယ်၊ငါ သူ့ကိုအဝေးကနေမမြင်ရတဲ့ကြိုးတွေနဲ့ချည်နှောင်မထားချင်ဘူး"
YOU ARE READING
Mʏ Lɪɢʜᴛʜᴏᴜsᴇ (Cᴏᴍᴘʟᴇᴛᴇᴅ)
Fanfictionအဖြူရောင်လေး ဒါပေမယ့် အချိန်ဆိုတဲ့ပန်းချီဆရာက ဆေးရောင်စုံ ရေးခြယ်သွားတယ်......။ #Zhanyi fanfiction❣️ အျဖဴေရာင္ေလး ဒါေပမယ့္ အခ်ိန္ဆိုတဲ့ပန္းခ်ီဆရာက ေဆးေရာင္စုံ ေရးျခယ္သြားတယ္......။
