Mʏ Lɪɢʜᴛʜᴏᴜsᴇ (Cᴏᴍᴘʟᴇᴛᴇᴅ)

Chapter-39(Final)

Unicode

ဂီတသံတလွင်လွင်ပျံ့နှံ့နေတဲ့ခန်းမကျယ်ကြီးက အနီရောင်ပိုးဖဲစတွေနဲ့အလှဆင်ထားတာကြောင့် တင့်တင့်တယ်တယ်။

ခမ်းနားပြည့်စုံလွန်းတဲ့အပြင်အဆင်တွေနဲ့ ရင်သပ်ရှုမောဖွယ်ပွဲအခမ်းအနားကတော့ Wang Groupရဲ့ ကုမ္ပဏီနှစ်ပတ်လည်ပွဲပင်။

Wang Groupလိုအင်အားကြီးစီးပွားရေးအုပ်စုကြီးရဲ့နှစ်ပတ်လည်ပွဲကို ထိပ်တန်းစာရင်း၀င်သူဌေးကြီးများသာမက နိုင်ငံကျော်ပုဂ္ဂိုလ်တော်တော်များများကပါတက်ရောက်ကြတာမလို့ ပွဲကြီးရဲ့ခမ်းနားမှုကအံ့မခမ်း။

နာမည်ကြီးအနုပညာရှင်တွေပါတက်ရောက်ကြမယ့်ပွဲဖြစ်တာကြောင့် သတင်းလာယူကြတဲ့mediaများကလည်း ခန်းမအပြင်မှာအသီးသီးနေရာယူလျက်။

ပွဲထဲရှိလူများထဲမှာ ရိပေါ်၊ရှောင်းကျန့်နဲ့ချန်းချန်းတို့ကလည်းအပါအ၀င်ပင်ဖြစ်တယ်။

ငယ်ရွယ်ချောမောလွန်းတဲ့ Xiao Group CEOက သရုပ်ဆောင်၀မ်ရိပေါ်၊ချန်းချန်းတို့နဲ့အပြိုင် ဆွဲဆောင်မှုရှိပြီးထင်ပေါ်လွန်းနေတာကြောင့် ပွဲထဲမှာရှိသမျှလူတွေရဲ့အမြင်ကို ဖမ်းစားထားတယ်။

ရှောင်းကျန့်က အဖြူရောင်ရှပ်အင်္ကျီပေါ် အနက်ရောင်suitကိုထပ်၀တ်ထားကာ ဆံပင်တွေကိုသေချာပုံကျနေအောင်ဖြီးသင်ထားပြီး တည်ကြည်ခန့်ညားတဲ့သွင်ပြင်ကအပြည့်။

ရိပေါ်ကတော့ တစ်ကိုယ်လုံးအဖြူရောင်ချည်းသာ၀တ်ဆင်ထားတာမလို့ နို့နှစ်ရောင်အသားအရည်နဲ့လိုက်ဖက်စွာပဲ အမြင်တင့်တယ်နေပြီး နတ်သားလေးတစ်ပါးအလား။

ချန်းချန်းကလည်း ပန်းရောင်dressကို၀တ်ထားတာကြောင့် ဖူးပွင့်စပန်းလေးတစ်ပွင့်လိုအစွမ်းကုန်လှပလွန်းနေတယ်။

ခန်းမထဲရှိ စားပွဲဝိုင်းတွေများစွာထဲမှ တစ်ဝိုင်းမှာတော့ Xiaoမိသားစုနဲ့Wangမိသားစု၀င်တွေ အတူတူထိုင်နေကြတာမလို့ အားလုံးရဲ့အကြည့်တွေက ထိုဝိုင်းစီကမခွာနိုင်ကြ။

ပွဲထဲမှာရှိတဲ့လူတိုင်းကလည်း ၀တ်ကောင်းစားလှတွေ၀တ်ဆင်ထားပြီး ဝိုင်ခွက်ကိုယ်စီကိုင်ကာအနီးအနားမှာရှိတဲ့လူအချင်းချင်းစကားတပြောပြောနဲ့အဖွဲ့ကျနေကြတယ်။