Babysitting the Billionaire

Kabanata 10

BTB is now back on WP in 2026. Please read only this new extended version to avoid confusion. There will also be a book release of this story this year, 2026 under LIB. Isang book na lang siya with ALL PARTS included, plus newly ADDED SCENES and a special chapter. It will be just one book, so it will be more affordable, and it will include T's backstory. Please wait for it!

Kabanata 10

"ROSENDA!"

Napapiksi ako sa pagsigaw ni Maximus. Kanina nya pa pala ako tinatawag.

"Rosendang maharot, ano ba? Kanina pa kita kinakausap na bruha ka! Anglayo ng nilalakbay ng jutak mo," sabi niya habang inaayos nya ang mga produktong ipo-promote namin. Nandidilat ang mga mata niyang pinatingkad ng eyeliner. 

Nanlaki ang mga mata nya nang mapatingin sya sa bintana. "Si Jumbo oh, nasa labas!"

"Asan?!" mabilis ko iyong nilingon. Pero wala naman akong Jumbo na nakikita ron. Yamot na titig ang ipinukol ko sa kanya.

"See? Eh di si Jumbo pala ang dahilan, bakit hindi mo pa sabihin sa'kin, tungkabin ko yang mata mo dyan eh!" humalukipkip pa sya habang pinandidilatan ako.

"Nag-aalala lang ako dun sa tao." Matamlay kong tugon.

"Really? Or maybe you mess him."

Baka miss, hindi mess. Saka ko na sya babarahin. Baka ma-offend. Inabala ko na lang ang sarili ko sa paggawa ng report namin.

Narinig kong napabuntong-hininga sya. "Sorry, Rosenda. Kung pwede ko lang syang itira sa amin pansamantala ay ginawa ko na. Kaya lang, kilala mo naman si Luisito."

Bago niyang ka-live in partner si Luisito. Sobrang possessive nito sa kanya. Sigurado akong pagseselosan din nito si Jumbo. Hindi rin naman pwede sa bahay ng mga magulang niya, dahil bukod sa itinakwil siya ng mga ito mula nang mag-out siya, nagbabalak din daw ulit mag-anak ang mga ito. Ewan kung makabuo pa, e balita ko na maeedad na ang mga ito.

"Paano pala si Paolo? Sa susunod na linggo na iyong birthday party nya, pupunta ka pa ba?" tanong nya bigla. "Naku, nakapag-yes pa naman na ako roon. Pero puwede naman tayong umatras. Wala naman siyang magagawa."

Si Paolo? Ugh. Akalain ko nga naman. In two days nakalimutan ko ang mokong na yun. Kamuntik ko ng makalimutan ang birthday party nya. O marahil nakalikdaan ko na pati kasi sya. Wala kasing ibang laman ang isip ko nitong nakaraang araw kundi si Jumbo.

..

MINABUTI KO NA lang lakarin ang papasok sa lugar namin pagbaba ko ng jeep. Gusto ko rin kasing magmuni-muni. Sa totoo lang kasi, hindi ko maintindihan ang aking sarili. Bakit ba ako nagkakaganito simula nang mawala si Jumbo sa akin? Nami-miss ko ba sya o nagi-guilty lang ako dahil iniwan ko sya sa park? Grrrrrr! Bakit ba sya na lang ang laging laman ng isipan ko?

Kailangan kong mag-isip ng kakaibang bagay. Katulad ng – ano ba? Hayun! Tulad nitong baon kong sandwich!

Very good, Rosenda. Ang sandwich ay hindi related kay Jumbo. Never! Anyway, speaking of sandwich. May naalala ako. Iyong nangyari sa Going Merry. Napasabunot ako sa aking buhok. Shet! Shet! Shet!