The Forbidden Desires (R-18) (Erotic Island Series #5)

The Forbidden Desires 05

(TFD) Chapter 05

Nakatitig ako kay Silas na hindi nawawala ang ngisi habang kausap ang babae. Nakapangalumbaba ako at nakalabi. Iniisip ko na talagang napilitan lang siya na kunin ako dahil sa pakiusap ni Lolo. Na kahit anong gawin ko, siguro hindi niya ako magugustuhan.

Iniwas ko ang tingin sa kanila para tingnan ang mga kasama ko sa lamesa. Patago akong huminga ng malalim at hindi mapigilan na balikan sila ng tingin. Naibaba ko ang aking kamay at naalis sa pagpapangalumbaba nang matanaw ko na naglalakad silang dalawa palabas papunta sa likod bahay.

"Pamangkin nila iyan, si Athena."

Inalis ko ang tingin kay Silas nang marinig ko ang sinabi ni Lola sa Tatay nang babae na kasama ni Silas ngayon.

"Pamangkin nila?" Napangiti ako nang titigan ako ng lalaki na kausap nila.

"Oo. Ang Mama kasi ni Athena ay pinsan nina Gineth, Laura at Silas. Ang Lolo ni Athena na nag-aalaga sa kanya ay pinsan ang Tatay nila Silas," paliwanag ng lola nila.

Pati ako napapatango dahil nalaman ko kung paano kami naging magkamag-anak. Tito ko siya dahil pinsan siya ni Mama.

"Maaga kasing nag-asawa si Agatha," tiningnan ako ni Lola. "Maagang nag-asawa ang Mama mo kaya naging kaedaran mo lang si Gineth at hindi nalalayo ang edad mo kina Silas at Laura."

Napangiti ako nang maalala ang picture ni Mama. Madalas akong magkulong sa kwarto niya at tinitingnan ang larawan nila ni Papa. Nakuha ko ang karamihan na katangian ni Papa. Itim na buhok hindi katulad kay Mama na may pagka-kayumanggi ang kulay ng buhok. Morena rin si Mama sa nakita ko na picture kaya tingin ko hindi ko sa kanya nakuha ang sobrang puti na balat. Kayumanggi rin ang mga mata niya at kay Papa ay itim katulad ng mga mata ko.

"Alvarez ang gamit mo, hindi ba hija?"

"Opo, Lola..."

Ngumiti siya. "Mas gusto siguro ng Lolo mo na nakapangalan ka sa kanya."

Nalipat sa iba ang usapan ng matatanda. Hindi na ako nakikinig pero nakakahiya naman na umalis sa hapag. Saka hindi ko alam ang pasikot sikot ng bahay na ito. Kung tatayo ako hindi ko rin alam kung saan pupunta.

"Sama ka, Athena? Panunuorin ko sila kuya!" Napatingin ako sa pagsulpot ni Gineth sa gilid ko.

Hinawakan niya ako sa braso at wala naman yatang balak na tanggihan ko siya dahil hinihila na niya ako patayo bago pa ako magsalita. Bumalik ang tingin ko sa mga matatanda at nang makita na nakangiti sila't nakatingin sa ami'y nagpatangay na ako kay Neth.

"Saan ba tayo pupunta?"

Hindi niya pinansin ang tanong ko at patuloy sa paghila sa akin patungo sa daan na tinahak nila Silas kanina.

Hindi ko alam kung soundproof ba ang buong bahay pero pagkabukas ni Neth sa pinto sa likod ng bahay ay tsaka lang ako nakarinig ng mga putok ng baril. Napapikit pa ako at naitakip sa aking tainga ang isang kamay ko na hindi hawak ni Neth.

Napakapit ako sa hamba ng pinto at parang sumakit ang ulo ko nang marinig ang sunod sunod na putok ng baril at matanaw si Silas kasama ang babae. Pinapatamaan nila ang mga target na hugis tao at pareho na seryoso. Pumikit ako ng mariin. Nahila ko ang kamay ko na hawak ni Neth upang pareho iyon na ihawak sa ulo ko.

Sobrang sakit at parang sasabog ang ulo ko. Hinihingal ako at pinagpapawisan. Napasandal ako sa hamba ng pinto habang dumaing sakit. Lalo kong naipikit ng mariin ang mga mata.

The pain in my head got worse when the gunshots didn't stop. People carrying guns suddenly appeared in my mind. They were vauge and blurry but I'm sure I am inside the car. Nakayakap ako sa lalaki habang umiiyak at takot na takot na nakatingin sa mga lalaki na nasa labas ng sasakyan.