"တောင်းပန်ပါတယ် တကယ်ကိုတောင်းပန်ပါတယ်..."
"ဘာကိုတောင်းပန်တာလဲ... "
"အိပ်မက်တွေကို ပြောင်းပစ်ခဲ့မိလို့လဲ တောင်းပန်ပါတယ်.....
ဇလျန်နဲ့ မနီးစပ်စေချင်ယုံပါ....
ဒါပေမယ်ဗျာ...ကံကြမ္မာက ဆုံခွင့်ပေးလိုက်တယ်ထင်ပါရဲ့"
"ကျုပ်တို့ကို ခင်ဗျားတို့ခွဲလို့မရပါဘူး....."
တည်တင်းနေသောမျက်နှာထားနှင့် တာရာသည်
မာန်ဖီကာ တောကောင်တို့ကို ဟိန်းဟောက်ခြောက်လန့်နေသည့် ကေသရာဇာခြသေ့်မင်းလို မျက်နှာထားဖြင့် စွန်ရဲလိုမျက်ဝန်းများစူးရှစွာပင် ဂျောနသန်အားစိုက်ကြည့်နေသည်။
"ကျုပ်တို့မခွဲပါဘူး...ခင်ဗျားတို့ကို ကံဇာတ်ဆရာက
ကံကြမ္မာသတ်မှတ်ပေးပြီးသားပဲလေ......"
မျက်လွှာကိုချထားတဲ့ ဂျောနသန်သည် ယခင်ကသိပ်ကိုဝင့်ကြွားလွန်းပြီး အရိုင်းဆန်လှသော အရေးပိုင်မင်းနရင်းဆိုသူမှဟုတ်ရဲ့လားဟု တွေးမိသည်။ မာန်စွယ်ကြိုးနေသည့် ဆင်ရိုင်းတစ်ကောင်နှင့်ပင် တူနေတော့သည်။
"ကိုညွန့်ဟန် သီဟက ချာလီပဲ......."
နီးဖ်၏အပြောအား ခပ်ပါးပါးသာပြုံးလိုက်ပါသည်။
"ကောင်းတာပေါ့...မိတ်ဆွေဟောင်းတွေပြန်တွေ့ရတာ ပျော်စရာပဲလေ....အခုဆို မိသားစုတွေအဖြစ်တောင် ပြန်ဆုံကြတာမကောင်းလေဘူးလား......
ဇလျန်ထောင်းဆိုတဲ့ အရိုင်းအဆိုင်းလေးက
အခုဆို ကျုပ်သိပ်ချစ်ရတဲ့ ကျုပ်ချစ်သူအပုလေး.....
ဘွဲ့ထလျန်ဆိုတဲ့ အာကိုကလည်း ကျုပ်ရဲ့အကိုဖြစ်လာတယ်....ဇလျန့်သူငယ်ချင်းလေးဖြစ်တဲ့ ခင်မေကလည်း မြတ်နိုးအဖြစ်နဲ့အနားမှာရှိနေတယ်......
အရေးပိုင်မင်းချာလီကလည်း အခုဆိုကျုပ်ညီသီဟတဲ့လား......မကောင်းပေဘူးလားဗျာ...."
စကားလည်းဆုံးရော လုပ်ရယ်ကြီးဖြင့် တဟားဟားနှင့်ရယ်လိုက်မိပါသည်။ တကယ်တော့ ကျွန်တော်လဲ ကံကြမ္မာဆိုသည့်အကောင်အား သေမလိုကြောက်ပါ၏။
"ကောင်းတာပေါ့ မြို့အုပ်မင်းရယ်...
သိပ်ကောင်းပါတယ်....ခင်ဗျားမသိတဲ့အမှန်တရားတွေကလဲ
ရှိနေတယ်ဗျာ......"
YOU ARE READING
ရှေးရေစက် (Completed)
Romanceရေစက်တွေရယ် မကုန်ပါနဲ့ နောင်ဘဝအဆက်ဆက် မင်းနဲ့ဆုံရဦးမယ်... ...... ေရစက္ေတြရယ္ မကုန္ပါနဲ႕ ေနာင္ဘဝအဆက္ဆက္ မင္းနဲ႕ဆုံရဦးမယ္...
