ရှေးရေစက် (Completed)

Part - 25 (U&Z)

အမျိုးသားများစကားပြောနေသည့် အသံကြားနေရသည်။
ဘယ်သူတွေစကားပြောနေကြတာလဲ။ ပြောနေသည့်အသံများမှာလည်း မြန်မာစကားသံများမဟုတ်ပေ။ ဘယ်လိုလူမျိုး၊ ဘယ်လိုမျိုးနွယ်စု၏ စကားဆိုတာလည်းမသိချေ။ ထိုသူတို့၏စကားလုံးတိုင်းလိုလို နားလည်နေ၏။

"ရင်အစ်ဟ်န စန်န်န်အ နစ်ဟစ်ဟယ်
(အဲ့လောက်မရိုးရှင်းဘူး....)"

'ဟင်.....ဘာလူမျိုးရဲ့စကားလဲ....'

တစ်ယောက်တည်းရေရွတ်ရင်းမှပဲ လှေကားအတိုင်းသာဆင်းလာလိုက်သည်။ ဘယ်ဆီရောက်နေသည်ကိုလည်းမသိပေ။ တာရာနှင့်အတူ မနေ့ညက ဘားတစ်ခုသို့သွားကြသည်။ ညီအကိုနှစ်ယောက်အမူးသောက်ကြပြီး အိမ်သို့ပြန်ကာ အခန်းတွင်းဝင်၍အိပ်သည်။ သူသည်လည်း ယိုင်တိုင်တိုင်ခြေလှမ်းများဖြင့် ကျွန်တော့်အခန်းတွင်ပဲ ညီလေးကအကိုကြီးနဲ့အိပ်ချင်တာဟုဆိုကာ ထိုးအိပ်သွားခဲ့သည်။

ယခုနိုးလာချိန် တာရာ လည်း ဘေးတွင်မရှိနေပေ။ ကိုယ်တိုင်လည်း ဘယ်ဆီဘယ်ဝယ်မှ အိမ်ကြီးထဲရောက်နေသည် မသိရသေး။ မကြားဖူးသည့်စကားများကိုလည်း နားလည်နေသေးသည်။

'ခုတလော ဘူကပိတ်၊ဝယ်ချင်တာမဝယ်ရ၊ ပိုက်ဆံမရှိလို့ ကယောင်ခြောက်ခြားတွေဖြစ်နေတာလား...'

အိပ်မက်ပဲဟယ် မက်ပစ်လိုက်ပါလား။
ချီတွင်းထင်ရပေမယ့် ရွှေတွင်းထဲပြုတ်ကြတယ်တို့ ဘာတို့မက်ပါလား။

လှေကားမှဆင်းနေရင်းမှာပဲ မျက်နှာချင်းဆိုင်မှ
ထိုင်နေသူ၏မျက်နှာအား မပြီပြင်ဝိုးတဝါးမြင်လိုက်ရသည်။
ပဲပြုတ်သည်များ ပဲပြုတ်တောင်းခေါင်းပေါ်ရွက်စဥ် တင်ထားသည့် လက်ခုကြီးလို ခေါင်းပေါင်းတစ်ခုဆောင်းထားသည်။ ပြေပြစ်သော မျက်ခုံးတန်းနှစ်ခုအလယ်တွင် အနီရောင်အစက်လေးတစ်ခုတင်ထားသေး၏။
အမြင်အာရုံများတဖြေးဖြေးနီးကပ်လာချိန်တွင် ထိုလူ့မျက်နှာအားသေချာစွာမြင်လိုက်ရသည်။ ယောကျာ်းပီသကာချောမောသည်။

ယခုနကထင်သည့်အရာသည် လက်ခုမဟုတ်ပေ။ အိန္ဒိယလူမျိုးယောကျာ်းသားများ ပွဲလမ်းသဘင်တွင် ဝတ်ဆင်တတ်သည့် ခေါင်းပေါင်းတစ်ခုဖြစ်၏။ ထိုလူသည် အိန္ဒိယအမျိုးသားများဝတ်ဆင်သည့် ပန်းခတ်နွယ်များ၊ ကနုတ်များဖြင့် ပုံဖော်ထားသည့် အကျီနှင့်၊ ဘောင်းဘီအဖြူ၊ ခါးအထက်တွင်ခါးပတ်တစ်ခုနှင့် ထိုခါးပတ်ကြားတွင် သေနတ်နှစ်လက်ရှိသေးသည်။ လည်သာ ရှူးဖိနပ်ကိုမှ ပြောင်လက်နေပုံက ဖုန်လေးပင်တစ်မရှိချေ။ ဤသည်ကိုကြည့်ခြင်းဖြင့် မျိုးရိုးမြင့် လူတစ်ဦးအရာရှိတစ်ဦးမှန်းသိသာသည်။