LA Pescadora

16

LA PESCADORA ( The Fisherwoman )

by: sha_sha0808 Ash Simon

CHAPTER 16

Unedited....

"Ano na?" galit na tanong ni Sky kay Matter na kakapatay lang ng TV. Naging maugong ang balitang stress si Rose matapos nitong lumitaw sa interview na malaki ang eyebags kaya usap-usapang nag-away sila ni Matter.
Pinabulaan ito ni Rose pero mas lalong umingay ang media nang makita si Matter na nag-shopping kasama si Ocean.
"Ito ba ang gusto mong mangyari? Artista ang asawa mo kaya mag-ingat ka!" singhal ni Sky. Kaninang umaga, malaki ang headline sa newspaper na niloko lang ni Matter si Rose at drama lang ang pagkawala nito para matakasan ang asawa.
"Hindi ko kayang i-deny si Ocean para lang malinis ang pangalan ko," walang emosyong sagot ni Matter.
"Sumasakit ang ulo ko, Matter! Bakit ba hindi ninyo ako patahimikin?"
"Sorry, Dad. Alam kong marami akong pagkakamali but this time, alam kong ito lang ang tamang pasya ko. Ito lang ang desisyong hindi ko pagsisisihan."
"Anong balak mo kay Rose? Kung hindi mo na mahal, hiwalayan mo! Mag-file ka ng annulment!"
"Sky!" saway ni Taira nang marinig ang asawa.
"Haist! Sana hindi na lang talaga ako nagkaanak! Sila lang ang papatay sa akin!" galit na sabi ni Sky saka iniwan silang mag-ina.
"Pasensiya ka na," paumanhin ni Taira sa anak. "Mahal ka ng daddy mo. Lahat kayo."
"I understand, Mom," malungkot na wika ni Matter. "Pero hindi ko kayang talikuran o i-deny ang anak ko. He's my son at mahal ko siya."
"I know," pagsang-ayon ni Taira na naaawa sa anak. "Sana nakinig na lang ako kina Moon at Sun noon na wag magpakasal."
"Walang masamang magmahal," ani Taira.
" Ang masama ay sa maling tao pa," nais sana niyang idagdag pero mas minabuti niyang manahimik.
"Ako na ang magpapaligo kay Ocean."
"Si Rose?" tanong ni Matter.
"Hindi pa umuuwi. Nagiging busy na siya dahil sa pag-resign niya."
"Thanks, Mom," pasalamat ni Matter.
Nang makaalis ang ina, lumabas siya at naglakad-lakad sa buong villa.
"Bakit kaya siya mag-resign?" tanong ni Matter sa sarili at sinipa ang maliit na bato. "Anong binabalak mo, Rose? Sana pera ko lang ang kamkamin mo."
Napatingin siya sa taxing tumigil sa tabi niya.
"Sweetheart," masayang tawag ni Rose.
"Hi," bati ni Matter.
"Bakit mag-isa ka lang?" tanong ni Rose.
"Wala lang, gusto ko lang magpaaraw," sagot ni Matter na sinabayan na ni Rose.
"Hmm? May iniisip ka ba?" tanong ni Rose.
"Wala naman. Pangarap mo ba talagang maging artista, Rose?" seryosong tanong ni Matter.
"Yes," sagot ni Rose. "Bata pa lang ako idol ko na ang Tito Blue at Tita Avery mo. Pinangarap ko ring makapasok sa Bright Star agency."
"Magaling kang artista," ani Matter na binagalan ang paglalakad.
"Magaling ba?" baliktanong ni Rose.
"Yes. Sobrang galing."
Tumawa si Rose. Napansin niyang may laman ang sinabi ni Matter.
"Nadadala ka ba?" sarcastic na tanong ni Rose kaya napatingin si Matter sa kaniya. "Am I a good actress, sweetheart?"
"Yes," sagot ni Matter at naikuyom ang kamao.
"Thanks to you," pasalamat ni Rose saka matamis na ngumiti kay Matter.
"Kaya ka ba nakipaglapit sa akin dahil pinsan ko si Red?" Natigilan si Rose pero kapagkuway tumawa. Tawang nagkulo ng dugo ni Matter.
"Yes, sweetheart," pag-amin ni Rose. "So, bumalik na ang alaala mo, huh?"
Tumigil si Matter at hinarap si Rose.
"Minahal kita nang sobra."
"Ow, thank you," sagot ni Rose. "Ramdam ko nga."
"Pero niloko mo lang ako. Ginamit mo lang ako!" sumbat ni Matter.
"Bakit? Hindi ba't nag-enjoy ka rin naman sa akin, sweetheart?"
"Bakit mo iyon nagawa, Rose?" Pinipigilan niya ang sariling masakit ang asawa dahil baka may makakita sa kanila.
"B-Bakit ganiyan ka makapagsalita?" naiiyak na sabi ni Rose kaya napahilamos si Matter sa mukha.
"Stop acting, will you?" singhal ni Matter pero hindi nagbago ang malungkot mukha ni Rose. "Best actress ka talaga!"
"H-Hindi ko alam ang sinasabi mo," ani Rose.
"Baliw ka na!" ani Matter.
Tumawa nang malakas si Rose.
"Ang galing ng Bright Star noh? Ang galing ng workshop nila, right?"
Natahimik si Matter. Sayang lang pala ang pagmamahal niyang inilaan dito. He gave everything pero ito lang ang magiging kapalit.