الفارس والوردة

البارت الحادي عشر

الكاتبة : عليا الناصر

الفارس والوردة

البارت : 11

حجية صفية : من شافت شذر وگعت وأغمى عليها طلعت بسرعة برى وصاحت بفرج ساطع وينه ما رجع

فرج : إي رجع وأظنه بالإسطبل يم الخيول

حجية صفية : إركض دخيلك وصيحة بسرعة

ساطع : إجى بعد ما فرج صاحة ها الغالية خيرچ شكو

حجية صفية : شذر أغمى عليها وأظنها گامت تنزف تعال بسرعة أخذها للمستشفى

ساطع : فرج جيب السيارة بسرعة يوم شلون گامت تنزف وراح يركض لبيته ومن شافها واگعة بالگاع دنگ عليها وشالها وراد يطلع

حجية صفية : يمة إنتظر شوية خلني أروح أجيب عباتي وأجي وياكم وأجيبلها عباة أسترها خطية ما تشوفها شلون مكشفة وملابسها خفيفة

ساطع : يوم إستعجلي رحمة على والديچ وبسرعة راحت إمه ولبست عباتها وجابت عبايه ذبتها فوگ شذر وهو خلاها بالسيارة وشغلها وبسرعة ساقها وراحو لمركز المدينه للمستشفى وبس وصلوا أخذوها لشذر ودخلوها راساً لغرفة العمليات

حجية صفية : يا رب سترك يا رب طلعها بالسلامة هي واللي بطنها يمة لا تظل رايح راد تعال إگعد شوية

ساطع : ما أگدر يمة عوفيني مرتاح هيچي وين صارن هذني وبعد ساعة ونص طلعت الدكتورة ها دكتورة بشري

الدكتورة : الحمدلله المريضة بخير رغم چانت تعبانة وضغطها هابط ودمها مصفر لأن نازفة هواية گدرنا ننقذها بس مع الأسف فقدت الجنين الله يعوضكم وتگدرون تشوفونها بس تصحى من ننقلها للغرفة

ساطع : راساً ضرب الحايط بجبينه ليش هيچي يا ربي ليييش

حجية صفية : گامت ومسكته من متنه دخيلك يمة لا تسوي بروحك هيچي بعدكم شباب والحمدلله على سلامتها والله يعوضكم خير إن شاء الله

ساطع : وشلون رب العالمين يعوضنا وأحنه ما بينا كل تفاهم يوم ما تدرين هذا الطفل شنو چان بالنسبه إليه وشلون چنت باني عليه أمال وأحلام بتحسن علاقتي بشذر وبالكل

حجية صفية : يمة إنتَ رجال مؤمن لا تجحد نعمة الله وتيأس وإحمد الله وإشكره لو ميته شذر من النزف وما لاحگين عليها چان شگلنه شحچينه وإن شاء الله ربك كريم وما ينسى عبادة والأمور ما راح تستمر بيناتكم بهالشكل هذا وعسى الله يصلح أحوالكم ويعدلها وحظنته وباسته من خده

ساطع : الغالية روحي للغرفة وإبقي يمها خاف تگعد وما تلگى أحد وأني هسة أجي وراچ وراح عالدكتورة دكتورة لو سمحتي بس ردت أعرف شنو سبب الإجهاض مالت زوجتي

الدكتورة : الصراحة زوجتك متعرضة لضربة قوية حيل على ظهرها ورغم هي نكرت من صحت قبل العملية تعرضها لعنف جسدي بس الحمل أصلاً كان كلش ضعيف وحتى لو ما تعرضت للضربة كانت راح تفقدة بس توصل للشهر الرابع بس لا تشغل بالك بعدكم شباب والله يعوضكم واللي إفتهمته ما صارلكم غير شكم شهر متزوجين فالله كريم ولا تستعجلون