الفارس والوردة

البارت الخامس

الكاتبة : عليا الناصر

الفارس والوردة

البارت : 5

شذر : طلعت من البيت وراحت تتمشى شافت فرج واگف يم السيارة تقربت منه ممكن توصلني للمستوصف

فرج : هاا إي إي وفتحلها الباب لازم إجازتچ خلصت دكتورة لو تريدين تاخذين بعد إجازة خلي عمي ساطع ياخذلچ لنه يعرف مدير المستوصف

شذر : دردمت اي وليش ما يعرفة أصلاً راح أستغرب لو طلع ما يعرفة وبإستهزاء كملت وأكيد أبو المراجل وقصدت ساطع مسويلة أفضال على مدير المستوصف وفتحت بابا السيارة وصعدت ليورى

فرج : فتح الباب وصعد وحرك السيارة دكتورة عمي ساطع ما گالي أوديچ وأجيبچ لدوامچ

شذر : يجوز نسى يگولك ومنا وجاي تگدر توديني وتجيبني لو شوفلي سايق يكون ثقة أأجرة إذا إنتَ مشغول وما عندك مجال

فرج : أفا عليچ يا عمة أنة أوديچ وأجيبچ عليش تأجرين سايق وتخسرين فلوس وأنة ما عندي شي بس مرات من يطلع عمي الشيخ صگر أوصلة ومو دايماً يطلع هو ويعوف مضيفة مرات من يضطر الظهر من تخلصين إن شاء الله أجيچ وأرجعچ للبيت

شذر : إي إن شاء الله معناها راح أنتظرك لعد ومن وصلها فرج دخلت للمستوصف وراحت لغرفتها گعدت خلي نشوف أبو المراجل شراح يگول من يدري كسرت كلامة وطلعت غصباً ما عليه وإجيت لدوامي وطلعت موبايلها لأن چان ماكو مراجعين وإتصلت بأمها رن الموبايل ورن آخر شي يأست ورادت تسده بس ردت عليها سعده مرت صويلح هلا سعدة وينها ماما اي بسرعة إنطيني ياها هلو ماما حبيبتي شلونچ بابا شلونك بارق وعزام والله ميتة على شوفتكم وعلى ما أسمع صوتكم وتنهدت

حجية أمينة : هلا أمي هلا بحبيبتي ونور عيوني إحنة كلنا بخير شلونچ إنتِ أخبارچ ليش هيچي گطعتي بينا وما إتصلتي أبد علينه وهاي صارلچ فوگ الإسبوعين من تزوجتي وحتى رفضتي نعزمچ ليش هيچي يا أمي هيچي گطعتي بس مرة وما تريدين تشوفينه ليش هيچي تعاقبينه

شذر : ماما حبيبتي ما گطعت ولا جاي أعاقبكم بس هيچي أحسن وإنتو لازم تتعودون على غيابي وأني متأكدة لو قبلت عزيمتكم ورى العرس ولوإتصلت بيكم وسمعت صوتكم صدگيني راح أضعف وما أگدر أصبر وأرجع وأبقى يمكم وبعد ما أرجع لساطع لو شوف شيصير

حجية أمينة : شذر گللي الصدگ وريحيني تراني گلبي مثل النار عليچ من يوم اللي تزوجتي ورحتي وما متطمنة عليچ شلونهم وياچ خوما يأذونچ لو يجرحونچ بالحچي وساطع شلون يعاملچ هم يمد إيده عليچ لنچ بنتي وأدري بيچ لسانچ طويل ومتبري منچ وخاصةً من تعاندين لو واحد يضوجچ تلوصينها بكراع

شذر : تطمني ماما حبيبتي محد يأذيني وأصلاً بيتي وحدي ولا أشوفهم ولا ألتقي بيها شفتهم بس أول يوم العرس وثاني يوم وبعد ما شفت واحد منهم