الفارس والوردة

البارت الثالث عشر

الكاتبه : عليا الناصر

الفارس والوردة

البارت : 13

شذر : لحظة بس خلي أجيب جنطة الإسعافات وأجي وياكم وراحت جوى

طارق : إن شاء الله تلحگ على أبوية وتعالجة

ساطع : إن شاء الله يله شذر إستعجلي عاد

شذر : إجيت لا تخبصوني وراحوا لبيت الشيخ صقر وهاي أول مرة تفوته واللي فعلاً كان مدد على سريرة وبلا اي حركة مثل الجثة وحجية صفية واگفة بصفة وتبچي فإقتربت منه وگامت تفحص بي

حجية صفية : شذر خالة گولي مات مو

شذر : لا خالة بس نبضة ضعيف

حجية صفية : زاد بچيها أبوكم راح يموت شنسوي من بعده وگامت تنعي

ساطع : أمي الله يخليچ أهدي صدوگ چذب لا تفاولين عليه هيچي وگولي يا الله وحظنها

شذر : إذا تريدون إطلعوا برى حتى أگدر أفحصة زين ترى جاي تشوشون عليه وما جاي أگدر أركز زين

ساطع : تعالي الغالية خلي نطلع برى وخلي شذر وحدها يمة حتى تگدر تفحصة وإنتَ طارق هم تعال ويانا وطلعوا گعدوا بالصالة

حجية صفية : دخيلك ربي بجاه حبيبك المصطفى محمد وأهل البيت تلطف بحاله لصگر وما تفجعنه بي

ساطع : يوم ‏أبوية شلون تخربط مو چان كل شي ما بيه خاف سمع شي ورى ما عفناه وغثة

حجية صفية : لا والله كل شي ما سامع گعدنا حتى نصلي قيام الليل وأنة جاي أقرى قرأن ما حسيت إلا بس طبته وگع عالمصلايه ردت بس يصحى ويحاچيني ولا فاد عاد گمت أصيح على طارق حتى يجيني

طارق : ساطع مو كأنو شذر تأخرت خلي نروح نشوفها

ساطع : ما صارلها غير نص ساعة خليها تفحصة زين وتشوف شغلها وبلا ما نخبصها

حجية صفية : شلون رضت تجي وقنعت تعالجة توسلتوا بيها مو لو جبرتها إنتَ ساطع

طارق : لا والله بس گلنالها تعالي شوفي وإفحصي إجتي راساً ويانا وبعد ساعة من طلعت شذر عليهم

حجية صفية : ها گولي مات مو

شذر : لا خالة گولي يالله الحمدلله تجاوزها للأزمة إطمني ما بي شي

ساطع : شذر شنو سبب النوبة اللي صارت لأبوية وليش طولتي هلگد

شذر : عند تضيُّق بالنفس وانسِداد بالأوعية الدموية وهي اللي سببتله ألم بالصدر وتنشج وسببتله الإغماءة وإضطريت أسويلة قسطرة مستعجلة فعلى هاي طلعتكم بالبداية وتأخرت يمه

طارق : متفاجئ يعني سويتله عملية لأبوية

شذر : إضطريت لأن چان مات لو ما مسويتله ياها ووضعة خطير ما نگدر ننقله للمستشفى والظاهر هو عنده إنسداد من زمان وهامل روحة لو ما حاس عليه