الفارس والوردة

البارت الخمسون

الكاتبة : عليا الناصر

الفارس والوردة 🥀

البارت : ال 50

شذر : ظلت گاعدة بمكانها بالگاع ودموعها إنهمرت على خدودها يا ربي إحفظة لساطع والله أني أحبه وما أكرهة لو أحقد عليه ليش هيچي يا ربي بالوقت اللي بديت بي أتعود عليه وأحبة يروح من إيدي يا ربي ما عدنا غيرك إرحم بحالة ونجيه وإشفيه يا رب

سرمد : إجى عليها والخوف مبين بعيونه ماما شبيه بابا ممم .. مات

شذر : شهگت بالبچي وسحبته لحظنها وحظنته قوي وبالگوة يله طلع صوتها لا حبيبي ما مات إسم الله عليه

سرمد : وعيونه دمعت لعد ليش بيبي جاي تعيط وتلطم وكلكم جاي تبچون

شذر : لأن بابا متصاوب وناقلينه بالمستشفى وگعدته بحظنها وظلت تبچي

طارق : شذر رايحين للمستشفى تروحين ويانا

شذر : اي أروح بس سرمد شلون

سرمد : أني هم أروح وياكم على بابا

زينة : سحبته من حظن شذر لا حبيبي إنتَ تظل هنا يمينا بالبيت لأن كلهم راح يروحون وماكو رجال يظل يمنا فإنتَ تصير رجال البيت وشلون تعوف عماتك بوحدهن يظلن هنا

شذر : زينة عفية ديري بالچ عليه

زينة : روحي ولا تشغلين بالچ عليه بعيوني أخليه

رضوى : شذر الله يخليچ طمنينه على ساطع أني ردت أروح وياكم وحسين ما قبل وگام يصيح عليه

طارق : يله شذر يا معودة فضيها عاد وراح ركب بسيارته

حجية صفية : جتي صعدت وياه هي وشيخ صقر ولساعها تنوح وتبچي والله إذا مات وليدي لا أموت روحي وراه

شيخ صقر : بحدة شهالحچي هذا إذكري الله وبدل ما تدعيله يشفى ويطيب تفاولين عليه

طارق : يوم عيوني إنتِ إن شاء الله ساطع قوي وما بي شي وراح يطلع منها سلامات

شذر : إجتي صعدت وياهم إن شاء الله يطلع منها وإنطلقوا للمستشفى ومن وصلوا چان ساطع مدخلينه للعملية اللي إستمرت تقريباً فوگ ال 4 ساعات والكل چانو على أعصابهم

حجي عبدالله : إجوي هو وعزام من سمعوا بالخبر خطاكم السوء يا أبو ساطع وإن شاء الله يطلع منها سالم