الفارس والوردة

البارت السادس

الكاتبة :عليا الناصر

الفارس والوردة

البارت : 6

زينة : جتي تدور على ساطع خاله صفية ساطع وين

حجية صفية : شدراني عنه أشو شذر خاتون تگول ماخذها ورايحبن لبيت ملكة ومتغدين يمها وورى العصر يله راجعين ولا جي ولا وصل اي طبعاً لنه ما يريد يواجهني

زينة : خالة إنتِ مو تدرين يحبها لخالته ملكة هواية وما يگدر ما يروح ويشوفها وزين من عند ظل كل هالفترة اللي مضت ما راح عليها بس اللي مستغربته شلون أخذها للفصلية عليها

حجية صفية : ولچ أنة وين وإنتِ وين أنة مقهورة من ساطع لنه شلون كسر كلمتي وراح عليها لملكة

زينة : خاله هو معقولة ما إجى عليچ ورى ما رجعوا وبلغچ

حجية صفية : وهو أنة شنهو اللي قاهرني ومكدر خاطري غير هالسالفة هذي

شيخ صقر : دخل ما عاش اللي يقهرها لأم ساطع ويكدره لخاطرها هلا بنيتي زينة إمچ ما جتي وياچ

زينة : تقربت عليه وحظنته وباستة من كتفة هلا خالي حبيبي شلونك لا والله أمي ما إجتي بقت بالبيت

حجية صفية : ساطع قهرني حيل وكدره لخاطري لنة رايح لبيت ملكة اليوم وينه هو شو ما رد وياك وين إختفى لو راح لبيته وما جي يشوفني لنه يدري بيه زعلانة منه

شيخ صقر : والله يا حجية ساطع ما رد لبيته وراح لبغداد لنه يگول عند شغل ويجوز يطول هناك وما يرد بسرعة

حجية صفية : شنهو شوكت راح وشلون ما جي ودعني وإنتَ شلون سمحتله يطلع بهالليل يروح لبغداد والدنيا معلوگة

زينة : إي خالو صدوگ شلون خليته يروح ليش ما إنتظر للصبح حتى يطلع لأن الدنيا ليل والشوراع مو أمان وحضر  تجوال شلون يخاطر بروحة هيچي وهو يعرفها للمخاطر كلش زين خاصةً بهالوضع هذا

شيخ صقر : كل هالحچي هذا ساطع يعرفة كلش زين وهو مو صغير صار عند شغل فجأة وراح ويسلم عليچ وطلب مني أودعچ نيابة عنه لنه ما لحگ يمر عليچ

حجية صفية : اي بس لحگ ياخذ شذر المعنطزة ويوديها لبيت ملكة وأمة ما يلحگ يجي يسلم عليها قبل ما يروح

شيخ صقر : لا تظلين تنگين عالولد بعدين هو قابل وين رايح كلها لبغداد ومنا ليومين بس يخلص شغلة يرد هانه

طارق : خير اليوم أم ساطع ليش معصبة وضايجة وگعد بصفها وباسها من راسها هاي كلها لأن ساطع راح لبيت خالتي ملكة

حجية صفية : شوف ولك سيبندي تراني ما ناقصتك وملكة لا تجيب طاريها على لسانك فاهم وأخوك خله يرد من بغداد وأنه أعرف شغلي وياه

طارق : زينة رضوى ما جتي عليكم اليوم حتى تبات يمكم

زينة : لا ما إجتي عباس موجود وهي ما تجي تبات يمنه بس من يسافر ليش صاير شي