الفارس والوردة

البارت الثامن والخمسون والأخير

الكاتبة : عليا الناصر

الفارس والوردة 🥀

القسم الثاني والأخير من البارت الأخير

حسين : خوية ساطع يا ريت إنتَ تأذن بأذنهم لن إحنة متباختين عليك

نوفة : بعد ما شذر شالتهم ونطتهم لساطع وأذن بأذنهم عمة حسين شسويت إنتَ ما تگلي شلون هيچي سميتهم علي ومحمد

حسين : وشكو بيها عمه محمد على إسم محمد الله يرحمة خويي وصديقي وعلي لن أنة مو حسين ويگلولي أبو علي بعد شكو ليش معترضة إنتِ

نوفة : عمة أنة على مودك هسة شيخلصك من أمك لنها هسة تگول نوفة وبتها فوگ ما أخذن حسين من عدنا نوب الوليدات هم سمنهم على أسامي أبوها وأخوها وبعد يا ثوب من شگك يا ثوب من خيطك وياها وما راح تسكت أبد وإنتَ تدري بيها شلون قرچ وأنة ما أريد مشاكل وياها لني ما أتحملها وتبزعني وأروح أگول لأبوك عليها وعاد هو النوب يروح يكفخها وأنة والله ما أرضى عليها بهالعمر وتتكفخ وتنهان

حسين : لا عمة ولا تشغلين بالچ وخليها تحچي شوية وتسكت مثل العادة وبعدين هي أكيد راح تفرح بالولد وما تنگ وتركز هواية عالأسماء مالتهم

نوفة : اي إن شاء الله يصر مثل ما تگول

شذر : يلة رضوى إرتاحي هسة وإذا إحتاجيتي شي عود دزي عليه ماشي

رضوى : تسلميلي ما قصرتي والله وشلون راح أردلچ ياها ما أدري

شذر : لا تگولين هالحچي هذا مو بيناتنا وإنتِ مثل أختي

نوفة : كون الله يفتحها بوجهچ خالة ويهدي بعض الناس عليچ وما يخليهم شايلين خشومهم عليچ

ساطع : رفع تك حاجب من شاف شذر ناظرته وإبتسمت يله عمة إحنه نترخص شيخة البنات ديري بالچ على روحچ زين وعلى ولدچ