الفارس والوردة

البارت الثالث والخمسون

الكاتبة : عليا الناصر

الفارس والوردة 🥀

البارت : ال 53

عزام : ناظر بسارة اللي كانت تناظر بي متفاجئة مثل ما گتلك سارة خطيبتي وأني ما أرضى يومية تجون عليها وتسدعونها وتحققون وياها وهي سبق ونطتكم إفادتها بعدين إنتو شكو مچلبين بيها وذبحتوها من ورى مشاري وموته ليش إنتو على أساس ما تعارفون منو اللي قتلة أخذ جماعتك وتوكلوا وبعد ممنوع نشوفكم هنا وإلا ترى تصير مو زينة وياكم

الضابط : بحدة صاح بي شنو إنتَ جاي تهددنه حضرة جنابك وبعدين إحنة هنا جاي نمثل الدولة والقانون وغصباً عالكل بدون إستثناء يتجاوبون ويانا ونصيحة الك لا توگف بوجهنه حتى ما نضيعك

عزام : لا تضيعني ولا أضيعك گتلك خطيبتي ما أرضى تتعرضولها ويوميه تجون عليها وتدرون كلش زين هنا قرية وعشاير ومحد يرضى على اللي جاي تسوونه هاي وين صايرة تسدعون بناتنا للتحقيق

علي : إجى بهالأثناء وصاح بيهم ولكم چلاب منو گاللكم تجون لهنا وتداهمون وتستجوبون على كيف كيفكم ها ويكون بعلمكم ترى اللي دزكم قبل شوية طلع قرار نقله للمناطق الساخنة وراح يروح يم داعش فإذا تريدون تلحگونة ظلوا مثل الچلاب يشحي بيكم

الضابط : سيدي إحنة هنا جاي نفذ الأوامر و..

علي : صاح بي إنچب قشمر ينفذ الأوامر هاي يا أوامر اللي جاي تنفذها أمشي ولو منا وبعد خلي أسمع واحد بيكم جاي يدندن لهنا أني أعرف كلش زين شغلي وياه وأعلمة شلون يجي ويتمرجل عالنسوان

كريمة : من طلعوا كلهم وبقى بس علي وعزام خالة علي ما تفمهني هذولة شيردون من عدنا ومن سارة بالذات وهاي مالت على مود ذبح مشاري وموته ترى ما تدخل بالعقل والله

عزام : كلامها لخالة كريمة صحيح هذولة عدهم شي يريدون ياخذونة هالهيچي ذابحين نفسهم وكل شوية وجايبن

علي : تنهد غير كلة من ورى مشاري النذل وإسمحيلي خالة بهالكلمة هذي هذا قبل لا ينقتل بشكم يوم رايح لبغداد وهناك ماخذ فلوس من واحد مسؤول چبير بالدولة وعلى أساس يشتريله سلاح وبطريقة غير رسمية والمبلغ اللي ماخذة من عند مو الف وألفين ملايين وبالدولار وهذاك المسؤول من سمع بمشاري فطس وما إشتراله السلاح يريد فلوسة وجاي يضغط على هذولة بلكي يرجعلولة فلوسة وطبعاً همة ما عدهم غير يضغطون على الحجية كريمة وسارة بالذات ويبزعونهن حتى يعترفن ويدلنهم على مكان الفلوس