الفارس والوردة

البارت الرابع

الكاتبة : عليا الناصر

الفارس : والوردة

البارت : 4

شذر : سلمى شجاي تسوين فضيني عاد ترى طفرت روحي

سلمى : شبيچ حبي بقى بس شعرچ خلي نضبطة شوية

شذر : يا بة دطيري تضبطة لفي كباية وفضيها

سلمى : شذر لا تحچين وإسكتي تدرين بيه إذا مسكت شغلة ما أبقيها عالنص إلا كملها فلا تعبين روحچ وياية وإسكتي ولا تصرفينها لطاقتچ خليها تفيدچ بعدين

شذر : سلمى والله طفرت روحي ليش محد جاي يفهمني وعيونها دمعت

سلمى : إنحنت عليها وحظنتها من ورى شذر شگلنا قبل شوية لازم تصيرين قوية وإنتِ عمرچ ما چنتي ضعيفة شجاچ ما تگوليلي تخليني أعيد بحچي وبعدين ترى شغلي كله راح تخربينة وهسة تسيح الكحلة وتصيرين تخرعين

شذر : نفخت بضوجة  وتأفأفت غيرت الموضوع سلمى گوليلي شصار وياچ من رحتي ويا محمود لبيت أهلة

سلمى : لا حبي ما رحت وتحججت بأمي مريضة وعلى راح يسافرون وبقيت عد أهلي ما بية حيلها لعمتي كل ما تشوفنيتشغل الموسقى مالتها وفلان صار عند ولد وفلانة حامل وإنتِ بعدچ ومجاي تفهم أني سليمة وما بية شي وأكثر من دكتورة راجعتها وأكدتلي ما بية شي وأگدر أصير حامل بأي وقت

شذر : ومحمود ما قنع وسواها للفحوصات وفضها وياها لأمة

سلمى : لا ما قبل وتعارك وياية من گتلة وبقى يومين زعلان مني وبالگوة يله رضى ويگول أني هم ما بية شي والله شوكت ما يكتبلنا الخلفة نخلف واذا صارلنا 5 سنين ما عدنا الناس تبقى سنين طويلة يلة تخلف

شذر : وما يروح يگول هالحچي لأمة ويقنعها شكو باقي ساكت على فساد

سلمى : هو ما يحچي وما يرضى أصلاً واحد يفتح وياه هالموضوع وليش هي إمة حتى لو حچالها ما راح تصدگ هي بس راكبة فرس عمية علية لا والحلوة تگولي الچ بس هالسنة هذي إذا ما حملتي أزوجة عليچ هذا إبني الوحيد وأريدله ذرية وإحنه نريد نكمل نسلنة وهالكلاوات هذي وأني خايفة لا يتزوج عليه من كثرة زنها لأمة عليه

شذر : اي بهاي حقها لأن هو محمود صدوگ هالواحد إلها جابتة على 5 بنات وكملت بإستهزاء بعدين هو أكيد راح يتزوج عليچ وبأقرب فرصة خاصةً دامة بهاي المنطقة عايش لأن الناس هنا نفس أمة وبعد أضرب وبكل شي يتدخلون وهسة تشوفين شلون يكتلون نفسهم حتى يزوجونة بوحدة من بناتهم وطبعاً راح تكون أصغر منچ وأحلى فأحسن شي تسوينة تعوفون هاي الناحية وتفلتون منا بريشاتكم

سلمى : تغيرت ملامحها وضاجت حيل لچ شذر شجاي تحچين والله أني اللي طفرت روحي هسة وراح أصرخ بأعلى يبووو وأندب بحظي

شذر : حبي لا تزعلين ولا تصدگين ترى جاي أتشاقى والله وحبيت هيچ شوية أقشمر حتى أنسى شوية زواجي المشؤوم