الفارس والوردة

البارت التاسع والأربعون

الكاتبة : عليا الناصر

الفارس والوردة 🥀

البارت : ال 49

ريم : حبيبي طارق الغرفة حلوة بس يردلها شويه ترتيب وتعديلات وتصير تمام

طارق : هاي شغلتچ بعد مالت الترتيبات والتعديلات وإنتِ تسوينهن ومحد راح يتدخل لأن هي غرفتچ بعد ورتبيها على ذوقچ وأهم شي عجبتچ وحظنها من ورى وسحبها على صدره ودفن وجهة برگبتها

ريم  : لفت عليه وحظنت وجهة بكف إيدها وباسته من خده يله حبيبي لازم ترجعني لبيتنا هم يله حتى نلحگ نوصل قبل المغرب وإنتَ هم حتى ترجع من وكت لهنا وما يظل بالي عليك من الطريق ومخاطرة

طارق : أگول ليش ما تظلين هنا وأخذچ هسة هنا ونسوي ليلة عرسنا ها شرايچ وغمزلها بطارف عينه

ريم : ضربته على صدرة طارق إنتَ صاير بس واحد كلش مشوه ودفعته ورادت تطلع

طارق : منعها وهو يحظنها مرة ثانية هاي شبيچ أشاقيچ والله خلاص ولچ لا تزعلين ريم مو وياچ وباسها من راسها جاي أتشاقى شبيچ

سرمد : فات عليهم هو وشمس يگود بيها إنتو ليش تأخرتو هنا وما نزلتو شجاي تسوون وهاي دبة حميسة ذبحت نفسها تريد عالعروسة تشوفها وأني جبتها لأن خفت عليها تروح توگع من فوگ الدرج وتدعبل وهي چنها الطوبة

ريم : إبتعدت عن طارق وإجتي على شمس شالتها وباستها أووي فديت الحلوات أني تريدين تجين عليه ومن شمس هزتلها براسها رجعت بوستها يلة تعالي خلينه ننزل جوى يم ماما وأخذتها ونزلت

سرمد : عمو طارق خلي أروح وياك إذا وصلتها لريم لبيت أهلها

طارق : نزل هو وياه شتسوي رايح أمك ما تقبل ولأن من أرجع الدنيا تصير ليل وتخاف عليك

سرمد : عمو الله يخليك قنعها إنتَ خلي أروح وياك ضايج وأريد أطلع حباب عمو حباب

شذر : خير على شنو جاي تتوسل بي ما تروح وياه لو وصلها لريم

سرمد : مامااااا خلي أروح عفية .. عفية ماما خلي أروح

طارق : شذر خطية خليه يروح ما تشوفينه شلون ذبحها لنفسة وبعدين ما نتأخر بس أوصلها لريم وأرجع عالسريع ما أتأخر

ساطع : دامك ما تتأخر أخذه وياك

شذر : إلتفتت عليه وين ياخذه وياه ما يروح بكل شي نابص روحة

ساطع : طارق يله توكلو روحوه حتى ما تتأخرون بالرجعة

طارق : من شافها لشذر عصبت وعافتهم وطلعت راحت لبيتها ساطع هي تخاف عليه وحقها لأن هو هالواحد عدها وخاصةً بعد ما خطفوه