الفارس والوردة

البارت الثامن والأربعون

الكاتبة : عليا الناصر

الفارس والوردة 🥀

البارت ال : 48

ساطع : طلع من بيت أبو وصاح بحسين ولك لا ترمي وإرجع حسسيين

فرج : طلع وراه عمي ما يفيد بي لا تصيح عليه ما يسمعك وإذا ما يكومهم كلهم ما يرد

ساطع : ولك شيكوم منهم تريدون تبلونه إنتو ولك حسين وگف الرمي يالخبل راح تذبحنه كلنه ومسك بسرمد اللي طلع يركض وسحبة من تيشرته من ورى وشالة ورجعة يم المطبخ خلاه ولك بابا وين إنتَ الثاني هاد إرجع لا تروح تتصاوب مو وياك لا تطلع منا وخزره

سرمد : عود إنتو ليش كل شي يصير تچعموني وتفوتوني جوى وما تخلوني أشوف زين

ساطع : ولك شتشوف خبال عمك حسين لو هذا النذل مشاري وجماعته سرمد لا تضوجني وتزهگني لا هسة أنطيك كفخة  مرتبه  ورفع إيده بوجهة

سرمد : عگد حواجبه إنتَ صاير ما تحبني وكلام بيبي أم حسين صحيح وراح تطلگها لماما وتروح تزوج وتعوفنا مو

ساطع : لا إني لو تزوجت ما أخليك تروح وياها لأمك وتلحگها أبقيك هنا وأشغلك جوى إيد جبر بالإسطبل وما أخليك يمي بالبيت بعد لأن تزعجها لمرتي الجديدة

سرمد : فتح عيونه وضرب رجله بالگاع وصاح بااااابا لا تگول هيچي وإنقهر وعيونه دمعت وبصوت خانگتة العبرة ما يصير تعوفها لماما وتطلگها حتى لو تزوجت عليها وگام يشهگ

فرج : حظنة لسرمد  وباسة من راسة عمي والله أنة هم صدگت وراح أبچي مثله على كيفك وياه مو هيچي

ساطع : ضاج من الوضع وحسين ما جاي يسمع الكلام فرج أخذة من گدامي وفوته جوى بسرعة ومن شاف أمة ورضوى هم طلعن من باب المطبخ برى يمهم صاح بيهن وين .. وين إنتن هم الغالية صدوگ چذب طالعات بهالنار هذي شنو اليوم إنتو كلكم ناوين عليه مو كافي علينه حسين وخباله

رضوى : ساطع فدوة إمنعه لا يروح يسوي بروحة شي دخيلك إلحگ عليه ولا تعوفونه بوحدة

ساطع : لا تخافين عليه خافي على مشاري وجماعته من خباله وهسة منو يگول ما ذبحهم كلهم

رضوى : لا دخيلك الله لا يسويها لا تگولها نوب يروح للسجن وشأسوي أني وبنتي واللي بطني بدونة

ساطع : لا اله الا الله بابا فوتن جوى يمة عيوني إنتن فوتن الله يرضى عليچن ولا تخافين على حسين ما عليه شي والحراس كلهم وياه وأصلاً مشاري وجماعته ختلوا من شافوه لحسين گام يرمي عليهم لأن يدرون بخباله لو واجهوه ما يخلي واحد منهم عايش فما تشوفيني أني ما طلعت ورحت وراه

حجية صفية : ميخالف يمة دير بالك الله يرضى عليك وروح رجعة لهذا الخبل حسين هم لا يروح يصير بي شي ومن خاف سلم ترى يله رضوى إمشي يم بنيتچ ولا تظلين بعد هنا وسحبتها لرضوى ودخلت جوى هي وياها