الفارس والوردة

البارت الثاني

الكاتبة : عليا الناصر

الفارس والوردة

البارت : 2

ساطع : نادها دكتورة ومن التفت عليه ما عرفتيني وإسمي ما عنالچ باي شي شذر تنهدت وبدون ما ترد عليه تجاهلته كالعادة وراحت گعد ورى مكتبها ونادت على المريض اللي بعد دخلته وگعدت تحچي وياه يعني طردته بصورة غير مباشرة هو متعود على هالإسلوب منها عافها وطلع راح على عمة ناصر اللي يكون إبن عم أبوه وأبوه لحسين أخذه وراحوا لبيت حجي عبدالله

حجية أمينة : كانت برى هي ومرت صويلح ينظفن بالحديقة ومن شافتهم إجتي عليهم ورحبت بيهم أهلاً وسهلاً بيكم ونظرتلهم بريبة وكملت بارق مو هنا رجع للجيش إلتحق

ساطع : هلا بيچ عمة إحنة إجينه حتى نشوفة لعمي عبدالله بس الظاهر ما موجود

حجية أمينة : لا موجود بس طلع للبستان هسة نصيحة الكم تفضلوا تفضلو ودخلتهم للمضيف وگهوتهم وطلعت

ناصر : يابا ساطع إنتَ متأكد من اللي جبتنه على مودة وأبوك شلون بي معقولة راضي وما عنده كل إعتراض شو هالسالفة والله ما جاي تدخل بعقلي

ساطع : عمي لا تشغل بالك وهذا أنسب حل للطرفين وأبوية موافق عليه

ناصر : بس يابا والله صعبة شلون تريدنا نطلبها للبنية فصلية أنة لو بنتي فلا أقبل أنطيها ولو أعرف الدنيا كلها تتذبح

ساطع : عمي ما راح نطلبها فصلية ولا شي نطلبها بصورة عادية مثل اي واحد يريد يتزوج وجاي يخطب

حجي عبدالله : دخل حي الله من جانا يا هلا ومرحبا بيكم وسالمهم وباوسهم تفضلوا تفضلوا صويلح گهوي عمامك ومن گعدوا وصويلح قدملهم الگهوة ساطع وعمة ناصر خلوها گدامهم وما رضوا يشربون إشربوا إشربو وأي شي تريدونه وجايين عليه تاخذونه بإذن الله وإن شاء الله إحنه نگدر نوفيه الكم

ناصر : بعد ما شربو الگهوة والله يا أبو عزام وما نطولها عليك إحنة جايين نطلب منك إيد بنتك شذر لساطع

ساطع : من شاف عبدالله تفاجئ ومسد على لحيته شوف عمي إنتَ تعرفني وتعرف أني شنو وأني ما إجيت أخطبها إلا لأن هي بنتك وتربيتك ولأخلاقها العالية وعمي إحنه ما بينا حيل خسارة واحد ثاني من عدنا لو من من عدكم وهالزواج راح يكون الحل المناسب لنهاية الخلافات اللي بينه وإن شاء الله الله يقدرني وأصونها وأحافظ عليها

حجي عبدالله : والله يا إبني الصراحة فاجئتني بطلبك زين أبوك عند علم بطلبك هذا

ساطع : اي عمي عند علم وإحنه ما إجينة إلا بعد ما أخذنا موافقته على هالزواج واذا تشوفنه أني وعمي ناصر مو كفو حتى نجي ونطلب منك بنتك فأحب أگولك أني رجال والكل تشهد بأفعالي ولو چان أخوية طارق لأن بعد صغير چان إختلف الوضع وحقك تعترض عليه لوجاك يخطب وحدة