When a Billionaire Meets His Candyrella (MBBC#3)✅

Chapter 37. Possessive

"Oh my God! Are you engaged, Candy?" si Grasya.

Halos tumigil silang lahat at napatingin sa akin ngayon. It was lunchbreak. Imbes na pumunta sa mesa ko sa opisina ni Conrad ay nandito ako ngayon sa staff room. Wala kasi si Conrad ngayon. Sinabi na niya sa akin kagabi na bibiyahe siya sa Cebu. May usapan daw sila ng pinsan niyang si Drew Mondragon. And as usual, I know its about business again.

"Oh my, ang ganda! Ang laki ng bato. Totoo ba 'to?" hawak niya sa kamay ko.

Hindi ko tuloy alam kung ngingiti ba ako o ano ba? Tumayo na kasi halos sila at lumapit na sa akin.

"Pahawak," si Gina.

"Hala? Ang mahal nito!" Titig niya sa akin na parang nakakita ng multo.

"Parang pwet ng baso lang'to ah," si Amy.

"Wee? Patingin aber! Experto ako pagdating sa totong diamantes," si Vilma. At itinulak pa niya si Amy sa gilid at bahagya na akong natawa.

"Aray! Ikaw ha kapag ako kinasal hindi ka invited!" Pabirong tugon ni Amy sa kanya at natawa na rin.

"Naku, naunahan ka na ni Candy. Bilis bilisan mo dahil trenty-tres ka na bukas!" Pabirong kantyaw niya.

"Che!" Irap ni Amy, pero bumalik ulit siya sa pagkakahawak sa kamay ko.

Ngayon silang apat na talaga ang nakatitig at nakahawak sa kamay ko na parang experto. Nakatingin lang ang dalawang lalaking kasama namin ngayon na kumakain. Sina Dennis at George, mga kapwa guro ko rin.

"Mga babae talaga..." Lihim na tugon ni Dennis at napailing na.

"Oh my goodness! 2.5karat nga with clear VSI clarity 'te, and the price? You won't believe it?" si Vilma na parang experto.

Natawa na ako, ewan ko ba, pero nakakatawa nga naman sila. Sa totoo lang wala naman akong pakialam kung mumurahin lang 'to o kahit pa abobot ng kendi na singsing, basta galing kay Conrad ay okay na ako.

"Mahal ba?" si Grasya sa kanya.

"Oo, milyones 'te!" Halos tahimik na tili ni Vilma.

"Di nga? Patingin nga ulit," si Gina, sabay hawak ulit sa kamay ko at mas tinitigan na niya ito.

"Naku, Candy! Baka makidnap ka. Hubarin mo kaya," pabirong tawa ni Grasya.

"Baliw! Huwag nga kayong OA! Mura lang 'to. Chillax!" arteng tugon ko sabay hawi sa buhok ko.

"Kailan ang kasal?" Ngiting aso ni Vilma.

Napakurap na ako. Hindi ko pa ako umo-o kay Conrad, e, ngayon kasal na?

Dang it! Ano ba 'to!

"Teka, teka nga muna," pamaywang ni Grasyang humarap sa akin.

"Sino ba ang nagbigay? E, sa pagkakaalam ko wala kang boyfriend? Maliban nga lang kay Professor Cristobal?" lakas na tawa niya.

"Si Cristobal? Oh my goodness! Di ba binasted mo na?" lakas na boses ni Gina.

"Hala, si Professor?" kantyaw na tawa ni Vilma, na halos napatakip bibig pa.

"OMG! I can't!" si Amy, na pinaikot pa ang mga mata.

Napaawang lang lalo ang labi ko at kumunot na ang noo ko. Lahat kasi sila ay tumatawa na.

"Hindi ah! Hindi si Cristobal!" Inis na tugon ko.

Natahimik agad sila at sabay na napalingon sa akin. Iba-iba na ang ekspresyon ng mga mukha nila at parang naguguluhan pa.