When a Billionaire Meets His Candyrella (MBBC#3)✅

Chapter 22. I hate you

Naimulat ko agad ang mga mata ko, at ang mga matang nakatitig ni Conrad ang unang nakita ko. I felt the heat, the sparks that travels all over my body. Para akong nakuryente ng libo-libong boltahi sa katawan. Kumurap pa ako nang makailang beses at hindi pa ako bumitaw sa pagkakayakap ko sa leeg niya. Hindi rin naman kasi siya bumitaw sa akin, kaya hinayaan ko na.

Nakatoon pa ang spotlight na ilaw sa aming dalawa at rinig ko ang hiyawan ng mga kabarkada niya sa background at ang ingay ng musika sa paligid.

Nahinto kami sa sayaw pero panay titig pa rin. Kinabahan na ako dahil kakaiba na ang titig niya, hanggang sa napakurap na ako at napalunok na.

"Co-Conrad..." utal na tugon ko. E, sa kami ang king ang queen of the night. Nakaka-excite at nakakakaba ito.

Nagtitgan kami at hindi ko na maalis ang titig ko kay Conrad. Ganoon din siya, hanggang sa pumikit na ako at naramdaman ko agad ang dampi ng labi niya sa labi ko.

Mas umingay ang lahat sa paligid at naramdaman ko ang pagputok ng confetti sa amin. I even partly open my lips because I want to taste him.

God good grief! Humalik din ako sa kanya na parang na-excite akong lalo, at dahil sa sobrang excited ako ay nahila ko nang husto ang leeg ni Conrad palapit sa akin, dahilan nang pagbagsak namin dalawa sa sahig.

Nahiya man ako, pero natawa lang siyang lalo at tinulungan akong makatayo. Napunit pa talaga ang damit ko sa gilid, bumigay na ito dahil sa dami ng kinain ko!

"Wohoo! Shit! Ang baboy ang nanalo!" sigaw ng iilan sa kanila.

"Grabe ang hanep! Pahalik nga din, Candy!" sigaw ng iba pa.

Nakakabingi ang kantyaw nilang lahat. Inayos na ni Conrad ang damit ko pero walang silbi na ito. Kaya hinubad na niya ang tuxedo niya at pinasuot sa akin ngayon, para matakpan ang napunit sa damit ko.

"Are you okay, babe?" Sabay ayos niya sa buhok ko.

B-babe? Kurap na titig ko sa kanya at ngumiti ako na parang nasa langit. Nalusaw lang lalo ang puso ko sa kanya at tumango na ako.

"Oo, I'm okay," ngisi ko.

Pagkatapos matangap ang premyo ay naging abala na ang lahat sa sayaw. Nagbanyo na ako at mas inayos ang sarili. Natagalan pa ako, dahil sumakit ang tiyan ko. Sa dami kasi ng kanain ko at naghalo ang emosyon sa loob ko ay parang natatae ako kada minuto. Kaya nagtagal ako sa ladies toilet.

"Nakakaloka sina Candy at Conrad ano? Nakakatawa!" boses ng babae.

"Sila na ba? I mean, ang swerte ni pink piggy," boses ng isa pa.

Napangiti na ako at napakagat labi pa habang pinakikingan sila. Tahimik ako sa sarili dito sa loob ng banyo at nakikinig lang din sa kanila. Makailang ulit ko pang inamoy ang tuxedo ni Conrad na suot ko ngayon. Ang bango talaga!

"Pero 'di ba girlfriend ni Conrad si Elma? At rinig ko pustahan ng grupo eh."

"Ay, talaga? Si Candy daw ba?"

"Ewan ko lang."

Natahimik ang paligid nang lumabas sila, at maingat lang din akong lumabas mula dito. Tulala pa ako sa sarili at napagdugtong-dugtong ko ang sinabi ni Elma kanina. Namutla na ako at parang nawala ang saya sa puso ko. Pakiramdam ko nahimasmasan ako mula sa pagkakalutang sa ulap, at bumagsak ang puso ko sa lupa.

Pero dahil tanga kasi ako, ayaw kong maniwala hangga't si Conrad na mismo ang magsasabi sa akin nito. Kaya hinanap ko siya habang amoy-amoy pa ang tuxedo niya. Ang bango talaga.