The Secret Thief & His Precious King [Completed]

Side Story

လွတ်မြောက်ခြင်း နှင့် ဘဝသစ် စတင်ခြင်း

ဝမ်ရိပေါ် နယ်စပ်က တောထဲရောက်နေတာ ဘယ်နှရက် ဘယ်နှစ်လမှန်းမသိအောင်
စိတ်တို့က လေလွင့်နေသည်။

နယ်စပ်က တောထဲမှာ နယ်နှင်ဒဏ်ပေးခံရသူများက နန်းတွင်းအသိုင်းအဝိုင်းက လာဘ်စားသူများ အများစုပါသည်။

ဝမ်ရိပေါ်ကတော့ မည်သူနှင့်မျှ အပေါင်းအသင်းမလုပ်ပဲ မနက်မိုးလင်းရင် သစ်တောထဲ အလုပ်သွားလုပ်ကာ နေ့လည်ပြန်လာရင် ထမင်းစား
ပြီးရင် နောက်တစ်နေ့ မိုးလင်းတဲ့ထိ တဲထဲတွင် ခွေနေလေ့ရှိသည်။
ညစာလဲ စားတဲ့ရက်စား​​ပြီး မစားတဲ့ရက်မစားနဲ့ နယ်နှင်ဒဏ်ပေးခံရပြီး ဘဝကို လက်လျော့ထားလေသည်။

ဝမ်ရိပေါ်ဆီကိုတော့ စားစရာများနှင့် အရှင်မင်းကြီးဆီကစာကတော့
ဝမ်​ဟောက်ရွှမ်းနာမည်နှင့် ပုံမှန်ရောက်လာလေ့ရှိသည်။ အစားအသောက်တွေက တစ်ခါတစ်ရံမှာ များလွန်းလှ၍ တစ်ခြား အပြစ်သားတွေကိုပါ ခွဲဝေပေးနေရသည်။

ဝမ်ရိပေါ်ကို စောင့်သည့်ရဲမက်ကလဲ အေးအေးဆေးဆေးပင်သဘောထားသည်။
ဝမ်ရိပေါ် ဘယ်သွားသွား ဘာလုပ်လုပ် မည်သို့မျှ မပြောပေ။

ဒီနေ့ ဝမ်ရိပေါ် တောထဲ အလုပ်လာတော့
အပြစ်သားတစ်ချို့ တီးတိုးပြောဆိုနေကြသည်။
ဝမ်ရိပေါ် ပုံမှန်ဆို စိတ်မဝင်စားသော်လည်း
တိုင်းပြည်ရဲ့ အငယ်ဆုံးဘုရင်ဟူသော အကြောင်းကြောင့် ထိုအပြစ်သားများနားကို ချဥ်းကပ်သွားလိုက်သည်။

"ဦးလေးတို့ ဘာပြောနေကြတာလဲ"
"အာ..မင်းက နတက်လုံးပဲ"
"ဟုတ်ကဲ့ စောစောက ဘုရင်အငယ်ဆုံးဆိုတာ.."
"ငါတို့တိုင်းပြည်က ဘုရင်အသစ်နန်းတက်ပြီကွ လက်ရှိမင်းကြီးရဲ့ တူတော်တဲ့.အသက်ဆယ်နှစ်ပဲရှိသေးပေမဲ့ လက်ရှိမင်းကြီးက ထီးနန်းလွှဲပေးလိုက်တယ်တဲ့"
"ဘာလို့..ဘာလို့လဲ"
"လက်ရှိမင်းကြီးက တိုင်းပြည်ကိုအတော်အတန်တိုးတက်အောင် အားကြိုးမာန်တက် ပြုပြင်ပြောင်းလဲပြီး တိုင်းပြည်အရေးတွေနဲ့ ဝေးဝေးနေတော့မယ်တဲ့"
"ခင်ဗျားကလဲဗျာ ဆယ်နှစ်သားလေးက တိုင်းပြည်ကို ဘယ်လိုအုပ်ချုပ်မလဲ"
"လက်ရှိမင်းကြီးလေးရဲ့ အမေ မင်းသမီးက အတော် ထက်မြက်တာလေဗျာ နောက်ကွယ်ကနေ အုပ်ချုပ်မှာပေါ့"
"ဒါလဲဟုတ်ပေသားပဲ"