The Secret Thief & His Precious King [Completed]

Part-28 Who is he?

Unicode
အပိုင်း-၂၈ အသင်ဘယ်သူလဲ

ဟောက်ရွှမ်းယခုတိုင်ပင်ခံ အမတ်ကြီး အိမ်နားမှာ ထူးခြားတဲ့ လှုပ်ရှားမှုတွေကို စောင့်ကြည့်ရင်း အိပ်ငိုက်နေသည်။ ညဘက် နန်းတော်ထဲတွင်လဲ ဘဏ္ဍာတိုက်အစောင့်တာဝန်ရှိသေးတာမို့ တစ်နေကုန် အမတ်ကြီး လှုပ်ရှားမှုကို စောင့်ကြည့်ရတာ ဒီရက်တွေ တကယ်ပင်ပန်းနေလေပြီ။
ရုတ်ရက် မှေးကနဲ ငိုက်ကျသွားသည့်အချိန်...

"အကိုလေး အကိုလေး"
"ဘာလဲ ဘာဖြစ်တာလဲ ဘယ်သူလဲ"
"ကျွန်တော် အားဟန်ပါ သတင်းထူးလို့ပါ"
"အင်း..အားဟန် ဘာဖြစ်လို့လဲ"
"လက်နက်ရေးရာ အမတ်ကြီးနဲ့ သူ့လူတွေ
တောစပ်ကို ထွက်သွားတယ်.."
"ဟေ..အဲ့ဒါနောက်က လိုက်မကြည့်ဖူးလား"
"အကိုလေးကျိရန်တို့ လိုက်သွားပြီ..ကျွန်တော်က ဒီမှာ လာအကြောင်းကြားတာပါ"
"ကောင်းပြီး..လိုက်ကြစို့"

ဟောက်ရွှမ်းတို့ တောစပ်ရောက်တော့ ကျိရန်နှင့် တစ်ခြားအဖော်နှစ်ယောက်ပါ ရောက်နှင့်နေပြီ။
"ဘာထူးသေးလဲ ကျိရန်"
"ရှေ့နည်းနည်းဆက်သွားရင် လူနေအိမ်ရှိတယ်
မင်းတို့ကို စောင့်နေတာ သွားကြည့်ကြမယ်"

ဟောက်ရွှမ်းနှင့် ကျိရန်တို့ ရှေ့ဆက်လျှောက်လာလေ အသံတစ်ချို့ဆူညံလာလေဖြစ်သည်။
"ဘာသံတွေလဲ မသိဘူး ဟောက်ရွှမ်း"
"ငါတို့ အိမ်ဝိုင်းထဲကို တောင်ကုန်းပေါ်က တက်ကြည့်ရအောင် "

ဟောက်ရွှမ်းတို့ တောင်ကုန်းပေါ်ကနေ မမြင်အောင် မသိသာအောင် အိမ်ဝိုင်းထဲကို ကြည့်လိုက်တော့ လူအယောက်ငါးဆယ်ခန့် ဓားရေးလှံရေး လေ့ကျင့်နေကြသည်။ လက်နက်ရေးရာ အမတ်ကြီးကိုယ်တိုင် သင်ပြလမ်းညွှန်နေသည်။
"ဒီလူတွေက ဘာလုပ်မလို့လဲ ကျိရန်"
"မပြောတတ်ဘူးကွ ဘာလို့ အပြင်မှာ သီးသန့်လေ့ကျင့်နေကြတာလဲ"
"တစ်ခုခုတော့ ရှိပုံရတယ်"

ဟောက်ရွှမ်းတို့ တောကုန်းပေါ်က ပြန်ဆင်းလာတော့ တစ်ယောက်မှ စကားမပြောမဖြစ်ကြပေ။ လေ့ကျင့်ရေးလုပ်နေတဲ့သူတွေကို အတွေးကိုယ်စီဖြင့် အဖြေရှာနေကြသည်။ တောစပ်ပြန်ရောက်တော့မှ...

"အားလင်နဲ့ အားဟန် အရင်တိုင်းပဲ ပြန်စောင့်ကြည့်ကြပါ...
အခုမြင်ခဲ့တာ ဘယ်သူ့ကိုမှ မပြောနဲ့ ကြားလား.."
"စိတ်ချပါ အကိုလေးတို့"
"ကောင်းပြီ..ရော့ ဒီမှာ ငွေစနည်းနည်းယူသွား.ထမင်းဝယ်စားကြ"
"ကျေးဇူးတင်ပါတယ် အကိုလေးတို့"