The Secret Thief & His Precious King [Completed]

Part-21 Found Somethimg

Unicode
အပိုင်း-၂၁ တစ်စုံတစ်ခုကို ရှာဖွေတွေ့ရှိခြင်း

မင်းကြီး နန်းဆောင်ထဲ မိဖုရား ယွဲ့လီ အခစားဝင်လာတော့
ရှောင်းကျန့် တစ်ချက်သာ မော့ကြည့်လိုက်ပြီး
"ထိုင်ပါ မိဖုရား"
"အရှင်...ဘာများ အကြောင်းထူးလို့ပါလဲ"
"မိဖုရား ဘာလို့ ကြင်ယာတော်ရွေးချယ်ပွဲ ဝင်ပြိုင်တာလဲ"

မိဖုရား ယွဲ့လီမှာ မထင်မှတ်ထားပဲ
မင်းကြီး ရုတ်တရက် မေးလိုက်သောကြောင့်
အဖြေရခက်သွားသော် ဟန်မပျက်ပဲ...
"ယွဲ့လီက မိဖုရားဖြစ်ချင်တာထက် နိုင်ငံက သာမန်ပြည်သူတွေကို ကူညီဖို့ နေရာတစ်ခု ရဖို့လိုအပ်ပါတယ်..ပြီးတော့ အရှင့်ကိုလဲ အကူအညီပေးချင်ပါတယ်"

မိဖုရား၏အဖြေကြောင့် ရှောင်းကျန့် မိဖုရားယွဲ့လီ၏ မျက်လုံးအား စိုက်ကြည့်ကာ မဲ့ပြုံးတစ်ချက်ပြုံးလိုက်ပြီး
"ပြည်သူတွေကို ကူညီချင်ရင် အာဏာရှိရမယ်လို့ မိဖုရားဆိုလိုတာလား"
"အဲ့လိုတော့ မဟုတ်ပါဘူး အရှင်...ယွဲ့လီအင်အားနဲ့ ကူညီနိုင်တာ သိပ်မလုံလောက်သေးလို့ပါ"
"အမတ်ကြီး သမီးဖြစ်ပြီး ပိုက်ဆံ အင်မတန်ချမ်းသာတဲ့ မျိုးရိုးကလာတာ ကူညီဖို့ မလုံလောက်ဘူးလား"
"အရှင်...ဘာကိုဆိုလိုတာလဲ"
"ကောင်းပြီ ကိုယ်တော် တည့်တည့်ပဲပြောပါမယ်"
"မိဖုရားရဲ့ ရည်ရွယ်ချက်က ပြည်သူတွေကို ကူညီချင်တယ်ဆို
အစွမ်းကုန်ကူညီပါ..မိဖုရားတစ်ယောက် ရသင့်ရထိုက်တဲ့ အာဏာလဲ ကိုယ်တော် အပြည့်အဝပေးထားပါမယ်"
"ကျေးဇူးကြီးလှပါပေတယ် အရှင့်"
"ကိုယ်တော် ပြောလို့မပြီးသေးဘူး ဆုံးဆောင်နားထောင်ပါ"
"တောင်းပန်ပါတယ် အရှင်"
"ကိုယ်တော့်ကို အရှင်လို့ မခေါ်ပါနဲ့ အရှင်မင်းကြီးလို့ အများနည်းတူခေါ်ပါ...မိဖုရားနဲ့ထိုက်တန်တဲ့ အာဏာအကုန်ပေးထားပေမဲ့ ကျန်တာဘာတစ်ခုမှ ကိုယ်တော့်ဆီက မမျှော်လင့်ပါနဲ့"
"အရှင်.ဒါပေမဲ့ ကျွန်မက မိဖုရားပါ..အရှင့်ရဲ့ မျိုးဆက်ကို မွေးပေးမယ့် မိဖုရားပါ"
"ကိုယ်တော်ပြောတာ မနာခံတာလား မိဖုရား အရှင်မခေါ်နဲ့လို့ အခုပဲပြောခဲ့တယ် မဟုတ်ပါလား...ပြီးတော့ ကိုယ်တော်က မျိုးဆက်လိုအပ်တယ်လို့ မိဖုရားကို ပြောမိလို့လား"
"မိဖုရားတစ်ပါးကို ဘယ်လိုများပြောရက်နိုင်ပါသလဲ အရှင်မင်းကြီး"
"မိဖုရားဖြစ်ပေးဖို့ ကိုယ်တော် မိဖုရားကို တောင်းဆိုခဲ့လား
မိဖုရားကိုယ်တိုင် ကိုယ်ပိုင်ဆုံးဖြတ်ချက်နဲ့ ကြင်ယာတော် ရွေးချယ်ပွဲလာယှဉ်ပြိုင်တာမလား.
မိဖုရားပြောခဲ့တဲ့ရည်ရွယ်ချက်ပြန်စဉ်းပါဦပြီးတော့ ကိုယ်တော်လို့ ဘုရင်တစ်ပါးက မိန်းမတစ်ယောက်ရဲ့ အကူအညီလိုအပ်မယ် မိဖုရားထင်လို့လား"
"အရှင်မင်းကြီး ဒီနေ့ ပြောခဲ့တာအတွက် နောင်တမရပါနဲ့"
"ပြန်နိုင်ပါပြီ မိဖုရား"
"တစ်နေ့မှာ ကျွန်မအကူအညီကို မင်းကြီးလိုကိုလိုအပ်လာပါလိမ့်မယ်"
"အော်...ဒါနဲ့...ကြင်ယာတော် ရွေးချယ်ပွဲတုန်းက လိပ်ပြာလုံစွာ ကိုယ့်အရည်အချင်းနဲ့ ကိုယ်ယှဉ်ပြိုင်ပြီး မိဖုရားဖြစ်လာတာလားဆိုတာ ခေါင်းအေးအေးနဲ့ စဉ်းစားကြည့်ပါ"