The Secret Thief & His Precious King [Completed]

Part-36 Murderer

Unicode
အပိုင်း-၃၆ လူသတ်သမား

မိဖုရားမှာ ရှောင်းကျန့်စကားကြောင့် စိတ်ထဲ မကျေမနပ်ဖြစ်သွားသော်လည်း မျက်နှာမပျက်ယွင်းစေပဲ
ပြန်ထိုင်လိုက်ကာ ရှောင်းကျန့်ကိုစကားစလိုက်သည်။

"အရှင်မင်းကြီးက ကျွန်တော်မျိုးမကို အရမ်းမုန်းတာပဲလား"
"ကိုယ်တော် မင်းကိုမမုန်းပါဘူး ဘာစိတ်ခံစားချက်မှမရှိတာပါ"
"ဒါဆို အရှင်မင်းကြီးက မိန်းကလေးတွေကို စိတ်မဝင်စားတာလား"

မိဖုရား၏ အနှီစကားကြောင့် ရှောင်းကျန့် မျက်ခုံးများ တွန့်ကွေးသွားသည်။ မိဖုရားဘာတွေများသိနေတာလဲဟု ရှောင်းကျန့် စိတ်ပူသွားသည်။
"မိဖုရားက ဘယ်လိုထင်လို့လဲ"
"ကျွန်တော်မျိုးမက မေးကြည့်ရုံပါ မိန်းကလေးတစ်ယောက်ကို ခါးခါးသီးသီးဖြစ်နေတဲ့သူက ယောကျာ်းလေးတွေကိုတော့ စိတ်ဝင်စားတတ်တယ်လေ"
"ကိုယ်တော် စိတ်မဝင်စားဘူး"
"ဒါဆို အရှင်မင်းကြီး ဘယ်သူ့ကို စိတ်ဝင်စားလဲ"
"ကိုယ်တော် စိတ်ဝင်စားတဲ့သူက မိဖုရားမဟုတ်တာတော့ သေချာတယ်"
"အရှင်မင်းကြီး စိတ်မဝင်စားလဲ တစ်နေ့နေ့တစ်ချိန်ချိန်မှာ ကျွန်တော်မျိုးမနဲ့
ရင်သွေးကို ယူရမှာပဲ"
"အော်...ဟုတ်လား ဘယ်တော့ ယူကြမလဲ မိဖုရား"

ရှောင်းကျန့် စကားကြောင့် မိဖုရားမှာ မျက်လုံးများဝင်းစက်သွားသည်။
"နတ်နန်းမှာ နေ့ကောင်းနေ့မြတ်ရွေးလိုက်ပါမယ် အရှင်မင်းကြီး"

ရှောင်းကျန့် ရှေ့ကမိဖုရားကို တဖြည်းဖြည်း စိတ်ကုန်လာသည်။
ဖခင်က ဘုရင်ကို ပုန်ကန်မယ့်သူဖြစ်ပြီး သမီးကို နန်းတွင်းထဲ အတွင်းသတင်းရအောင်
ပို့ထားတာကို သမီးဖြစ်သူကပါ အလွန်ဟန်ဆောင်ကောင်းလွန်းလှသည်။ မိဖုရာနန်းတွင်းထဲစရောက်တည်းက ရှိသမျှအာဏာကို အပြည့်အဝအသုံးချကာ မောင်းမဆောင်တစ်ခုလုံးကို ဖိနှိပ်ထားလေသည်။ ရှောင်းကျန့် ဒါတွေမသိဘူးဟု ထင်နေကြသလား မပြောတတ်ပေမဲ့ မိဖုရား တိတ်တိတ်လေး ဘယ်သူနဲ့တွေ့နေသည်ကအစ ခရေစေ့တွင်းကျ အကုန်သိနေသော မိမိရှေ့ ဟန်ဆောင်နေတာကြောင့် ရှောင်းကျန့် ရီလဲရီချင် တရားလဲရမိသည်။