The Secret Thief & His Precious King [Completed]

Part-30 Excited Game

Unicide
အပိုင်း- ၃၀ စိတ်လှုပ်ရှားဖွယ် အလောင်းအစား

ရှောင်းကျန့်မှာ ကိုယ့်နားပင် ကိုယ်မယုံနိုင်စွာ အံသြမှုများစွာနဲ့ ရိပေါ်ကို ကြည့်လိုက်သည်။ မျက်လုံးရှေ့က အဝတ်ဖြူစကို ချက်ချင်းလှန်ပြီး ရိပေါ်မှဟုတ်ရဲ့လားလို့ မျက်နှာချင်းဆိုင်မေးလိုက်ချင်သည်။ ဒီလောက် ဘဝကြီးတစ်ခုလုံးနဲ့ အလောင်းအစားလုပ်ရမှာကို ဘယ်လိုများ ဝမ်ရိပေါ် ဆုံးဖြတ်နိုင်ရတာလဲဟု ရင်မောသွားသည်။

လောင်းကစားရုံအတွင်းမှ ကုန်သည် လူမိုက် အလုပ်သမားပါ မကျန် အကြည့်တွေက လူရွှင်တော်ပုံစံနှင့် ရိပေါ်ဆီ ဦးတည်လာကြသည်။ အလောင်းအစားကို စိန်ခေါ်သည့် အနောက်တိုင်းသားပင် ရိပေါ်ကို အံသြသလို မျက်ခုံးပင့်ကြည့်သည်။

ရှောင်းကျန့် ရိပေါ်အနား တိုးသွားလိုက်ပြီး တိုးတိုးလေးကပ်ကာ.
"ရိပေါ်"

ရိပေါ် ဝတ်ရုံနောက်ကနေ ရှောင်းကျန့်လက်ကို ဆုပ်ကိုင်လိုက်ပြီး
"စိတ်မပူနဲ့ကိုကို အခုချိန်ကစပြီး ကျွန်တော့်လက်ထဲက အံစာတုံးကိုသာ သေချာကြည့်နေ တစ်ခြား ဘယ်မှအာရုံမရောက်ပါနဲ့"
"ဒါပေမဲ့..ရိ..ရိပေါ်"

ရှောင်းကျန့်စကားပင်မဆုံးလိုက် ဝမ်ရိပေါ် ရှေ့ထွက်ကာ အံစာတုံးကို ကောက်ကိုင်ပြီး လက်ထဲလှည့်ကာ အနောက်တိုင်းသားကို မေးလိုက်သည်။

"ဘယ်လိုလဲ လောင်းမှာလား ကျုပ်ဘက်က အသင့်ပဲနော်"

စကားပြန်က ကြားထဲက ပြောလိုက်တော့..
"သေချာပြီလား မိတ်ဆွေ စိတ်နှံ့ရဲ့လား"
"ဟက်.. ကျုပ်ဝတ်ပုံစားပုံကြောင့်ဆို ခင်ဗျားမှားသွားမယ်..ကျုပ်လူကောင်းပါ"
"ကောင်းပြီ နောင်တမရကြေး"
"ခင်ဗျားလဲ ကတိတည်ပါ ငွေသားထက် ကုန်သွယ်ခွင့် အဓိကပေးရမှာ မမေ့ပါနဲ့"
"ဒီကလူအားလုံးသက်သေပဲ စကြတာပေါ့"
"ခဏနေပါဦး စည်းကမ်းချက် ကျုပ်ပြောမယ်"

ဝမ်ရိပေါ် လက်ထဲက အံစာတုံးကို အဆက်မပြတ်လှည့်ရင်း စဉ်းစားသလို အချိန်ဆွဲနေလိုက်သည်။
အတန်ကြာတော့ တစ်ဖက်အနောက်တိုင်းသားက စိတ်မရှည်သလို ထအော်လိုက်သည်။