The Secret Thief & His Precious King [Completed]

Part-24 First Step to Fight

အပိုင်း -၂၄ ကာကွယ်ဖို့ ပထမခြေလှမ်းစတင်ခြင်း

တဖြည်းဖြည်း အတင့်ရဲလာတဲ့ မိဖုရားကြောင့် ရှောင်းကျန့် တော်တော် အနေရခက်နေချေပြီ။ နောက်ဆုံး မတတ်သာသည့်အဆုံး နောက်ကိစ္စ နောက်မှရှင်းကာ တွန်းထုတ်လိုက်တော့မည် ရှောင်းကျန့် ဆုံးဖြတ်လိုက်သည့်အချိန်မှာပဲ
နန်းဆောင်တံခါးက ဝုန်းကနဲ ပွင့်သွားကာ...

"အရှင်မင်းကြီး"

ရုတ်တရက် ရှောင်းကျန့်ကော မိဖုရားပါ ကြောင်အသွားပြီး ကိုယ်ရံတော် စုန့်ကျိရန်ကိုကြည့်လိုက်ကြသည်။
ထို့နောက် မိဖုရားက ကပျာကယာ
အပေါ်ဝတ်ရုံအား ပြန်ခြုံလိုက်ပြီး

"မောင်မင်း အကြောင်းမကြားပဲ တံခါးမခေါက်ပဲ ရိုင်းလှချည်လား"
"ဟို..ဟို..အရှင်မင်းကြီးက အစာမကြေဘူးဆိုလို့ သမားဆောင်မှာ ဆေးသွားယူပေးရမလားလို့ပါ"
ရှောင်းကျန့် ကတော့ ကိုယ်ရံတော်ကျိရန်ကိုကြည့်ကာ အခြေအနေကို နားလည်သွားပြီး

"အော့..ရတယ်မလိုဘူး သွားကြပါတော့
ကိုယ်တော် အနားယူတော့မယ်"
"အရှင်မင်းကြီး"
"ပြန်ပါတော့ မိဖုရား..ပြီးတော့ ကိုယ်ရံတော် ဘယ်သူလာလာ ပေးမဝင်ပါနဲ့တော့ ပေးဝင်ရင် မောင်မင်းကို ပြစ်ဒဏ်အရင်ချမယ်"
"အမိန့်အတိုင်းပါ အရှင်မင်းကြီး"

မိဖုရား ယွဲ့လီမှာ ရှောင်းကျန့်နှင့် ကျိရန်ကို တလှည့်စီ ခက်ထန်စွာ ကြည့်လိုက်ရင်းနန်းဆောင်မှ ထွက်သွားသည်။ မိဖုရားထွက်သွားပြီးမှ ကျိရန် မင်းကြီးရှေ့ ဒူးထောက်ချလိုက်ကာ
"ခွင့်လွှတ်ပါ အရှင်မင်းကြီး ကျွန်တော်မျိုးလဲဘာလုပ်ရမလဲ မသိလို့ပါ"
"ရတယ် ထတော့ ကိုယ်တော်တို့ သွားဖို့ ပြင်လိုက်ပါ"
"အမိန့်အတိုင်းပါ အရှင်မင်းကြီး"

နတ်နန်း အနီးတွင်လဲ ဟိုဘက်လျှောက်လိုက် ဒီဘက်လျှောက်လိုက်နဲ့ ယေက်ယတ်ခတ်နေသော ဝမ်ရိပေါ်အား ကြည့်ပြီးဟောက်ရွှမ်း မူးနောက်လာသည်။

"ရိပေါ် မင်းကြီးတို့လာမှာပါ ငြိမ်ငြိမ်နေပါကွာ"
"နည်းနည်းနောက်ကျနေပြီကွ"
"လူအခြေအနေကြည့်ရသေးတယ်လေ"
"အေးပါကွာ"