The Secret Thief & His Precious King [Completed]

Part-39 This Day

Unicode
အပိုင်း-၃၉ ဒီနေ့..ဒီည..

ရိပေါ် လက်ထဲကစာကို ရှောင်းကျန့်လက်ထဲသို့ပေးလိုက်သည်။ ရှောင်းကျန့်ကတော့ စာကိုကြည့်ပြီး စိုးရိမ်ပူပန်မှုများ မျက်နှာတွင်အတိုင်းသားပေါ်နေသည်။ ရိပေါ်ကတော့ ဘေးက ကလေးမလေးကိုမေးလိုက်သည်။

"ဦးဦးကို ဘယ်သူလာရှာခိုင်းတာလဲ"
"ဦးဦးတစ်ယောက်ပဲ"
"ကလေးက ဘယ်မှာနေတာလဲ"
"ဟိုး အဝေးကြီးမှာ."
"နန်းတော်ထဲကို ဘယ်လိုဝင်လာလဲ"
"ဒါလေးပေးလိုက်တာ"
ရိပေါ်ကလေးမလေးကို မေးရင် ဘာမှသိရမည်မဟုတ်သောကြောင့် ထပ်မမေးတော့ပဲ ကေလးမလေး လက်ထဲက တံဆိပ်ကိုသာ ကြည့်လိုက်သည်။ နန်းတွင်းရဲမက်တစ်ဦး၏ ဝင်ထွက်ခွင့် လက်မှတ်တံဆိပ်ပြားဖြစ်မည်ဟု ရိပေါ်ထင်လိုက်သည်။ ထိုရဲမက်က ပုန်ကန်မှုကို ဘယ်လိုများသိနေတာလဲဟု ရိပေါ် မသင်္ကာဖြစ်မိသည်။

"ရိပေါ် စီစဉ်စရာ ရှိတာ စီစဉ်ရအောင်"
ရှောင်းကျန့်အသံကြားမှ ရိပေါ်အတွေးစတို့ပြတ်သွားသည်။ထို့နောက် ရှန့်ကုန်းကုန်းဘက်လှည့်ကာ
"ကလေးမလေးကို ဘယ်သူမှမသိအောင်ပြန့်ပို့ပေးပါ ရှန့်ကုန်း..ပြီးတော့ သူလာတာ သိတဲ့ ရဲမက်တွေကိုလဲ နှုတ်ပိတ်ပေးထားပါ"
"ကောင်းပါပြီ သင်ကြားရေးအရာရှိဝမ်"
"ကျွန်တော်တို့ အသင့်ပြင်ထားကြရအောင် အရှင်မင်းကြီး"

ပုန်ကန်ကျူးကျော်လာမည့်နေ့မတိုင်ခင် မယ်တော်ကြီး,မင်းသမီးနဲ့ သားတော်ကို စိတ်ချရတဲ့ နတ်နန်းဘက်ကို ဘယ်သူမျှမရိပ်မိအောင် သွားရောက်ပို့ဆောင်ကာ စီစဉ်ပေးကြသည်။ မယ်တော်ကြီးကတော့ ဘာတစ်ခုမှမသိရ၍ မကျေမနပ်ဖြင့် နတ်နန်းကို လိုက်သွားရသည်။
ရှောင်းကျန့် ရှင်းပြရန် ကြိုးစားသော်လည်း အချိန်မရ၍ မိခင်ဖြစ်သူအားကြည့်ကာ စိတ်မကောင်းရုံမှအပ မတတ်နိုင်ပေ။

ထိုနေ့တစ်နေ့လုံး ရှောင်းကျန့်ငြိမ်နေသည်။ ရိပေါ်လဲ ဘာမှမပြောသာပဲ ရှောင်းကျန့် ဘေးကနေသာ ထိုင်ငေးကြည့်နေမိသည်။ နန်းဆောင်အပြင်ဘက်တွင်လဲ ရှန့်ကုန်းကုန်းက ကြောက်ရွံ့ကာ မင်းကြီးကို စိတ်ပူနေသဖြင့် ကျိရန်က နှစ်သိမ့်ပေးနေရသည်။
"အဆင်ပြေသွားမှာပါ ရှန့်ကုန်း"
"အရှင်မင်းကြီးသာဘေးကင်းပါစေ"
"ကျွန်တော်တို့လဲ ရှိနေတာပဲ အစွမ်းကုန်ကာကွယ်ပေးမှာပါ"
"ကိုယ်ရံတော် ရှင်းယောင်လာပြီ"