The Secret Thief & His Precious King [Completed]

Part-33 We Need Help

Unicode
အပိုင်း-၃၃ အကူအညီလိုအပ်နေပြီ

ဝမ်ရိပေါ် လက်ပစ်ဗုံးကိုင်ကာ အနောက်တိုင်းသားလူမျိုးတို့ဘက် တဖြည်းဖြည်းတိုးသွားသည်။ တစ်ဖက်က စကားပြန်က ကြောက်ရွံ့တိတ်လန့်နေသလောက် လူမျိုးခြားကတော့ အေးအေးဆေးဆေးပင်။

"စိတ်လျော့ပါ လူလေး စကားအေးဆေးပြောတာပေါ့"

ရှောင်းကျန့် သေနတ်ကို တဖန်ပြန်ချိန်လိုက်ပြီး
"ရိပေါ် လက်ထဲကဟာကို ချထားလိုက်တော့"

ရိပေါ် လက်ပစ်ဗုံးကို အသာအယာအိတ်ထဲ ပြန်ထည့်လိုက်ပြီး သေနတ်ကို မြဲအောင်ဆုပ်ကိုင်ထားလိုက်သည်။

"ရိုင်းပြမိတဲ့အတွက် ခွင့်လွှတ်ပါ ဘုရင်"
"နေပါစေ ကျုပ်တို့လိုချင်တာသာ လိုက်လျောပေးပါ"
"ဘာကိုအလိုရှိတာလဲ ဘုရင်"
"မင်းတို့ သေနတ်တွေ အလုံအလောက် လိုချင်တယ်"
"ဘုရင် ဘုရင် သေနတ်ကပေးလို့ရပါတယ်...
ဒါပေမဲ့ ဒီဘက်က လူလေးပြောတဲ့ ပုန်ကန်မှုက နီးကပ်နေပြီနော်"
"ဘာ...ပြန်ပြောစမ်း"
"စိတ်အေးအေးထားပါ လူလေး အပေးအယူတစ်ခုလုပ်ရအောင်"
"ခင်ဗျားသိထားတာ အကုန်ပြော
အပေးအယူကတော့ မနစ်နာစေရပါဘူး"
"ကောင်းပြီ ဘုရင် ဟိုသစ္စာဖောက်ပြောချက်အရတော့ ခင်ဗျားတို့ အရေးနိမ့်ဖို့ တစ်လတောင်မလိုတော့ဘူး"
"ဘာ.. ဒါဆို..."
"အမှန်ပဲ ဘုရင် သူတို့ဘက်က လက်နက် လူအင်အား အဆင်သင့်ဖြစ်နေပြီ ဘုရင် နန်းတွင်းဝင်ပြီးတာနဲ့ ပုန်ကန်ဖို့အသင့်ပဲ"

ရှောင်းကျန့်ကော ရိပေါ်ပါ အလွန်တုန်လှုပ်သွားသည်။ အခုနေ လက်နက်အလုံအလောက်ရရင်တောင် ရှောင်းကျန့်တို့ဘက်မှာ လူအင်အားမရှိပေ။ နန်းတွင်းရဲမက်များမှာ သေနတ်ပစ်တတ်ဖို့ပင်မပြောလေနှင့် ကြားဖူးသူပင်ရှိရဲ့လား မသိပေ။ လေ့ကျင့်ပေးရန် အချိန်လိုသေးသည်။ ရှောင်းကျန့်သည် အရာအားလုံး နောက်ကျသွားပြီဟူသော ခံစားချက်က အတွေးထဲ
တရိပ်ရိပ်တက်လာသည်။

"ဘုရင် ဘုရင် နားထောင်နေလား အပေးအယူလုပ်မှာလား"
"ရှုံးနိမ့်တော့မယ့် ကျုပ်လိုလူဆီက
ဘာများ အလိုရှိသေးတာလဲ"
"ပွဲမပြီးသေးဘူး ဘုရင်...ကျုပ်ဘက်က လက်နက်ကော လူအင်အားကော အလုံအလောက်ပေးမယ်ဆိုရင်ကော "