The Secret Thief & His Precious King [Completed]

Part-44 Final

Unicode
အပိုင်း -၄၃ အရှင်မင်းကြီး ရွေးချယ်သော ဘဝ

နန်းတော် ဂိတ်တံခါးဝရှေ့တွင် မြို့တော်အတွင်းရှိ ဆင်းရဲသားတစ်ယောက်မကျန် အော်ဟစ်ဆန္ဒပြနေကြသည်။

"နတက်လုံးကို ပြစ်ဒဏ်လျော့ပေါ့ပေး လျော့ပေါ့ပေး"
"နတက်လုံးကို ကြိမ်ဒဏ်ချမှတ်မှာ လက်မခံဘူး လက်မခံဘူး"
ဆင်းရဲသား လူအုပ်ကြီးက နတက်လုံး အဖမ်းခံရချိန်မှစကာ တစ်နေ့လုံး မနက်မိုးလင်းမှစကာ ညမိုးချုပ်သည်အထိ အော်ဟစ်နေကြသည်။ နန်းတော်ရှေ့မှာပဲ အိပ် နန်းတော်ရှေ့မှာပဲ  ဖြစ်သလို စားကြသည်။
ရဲမက်များက ဘယ်လိုပင် ဖြောင်းဖြ ဖြောင်းဖြ မပြန်ကြပေ။

နန်းတွင်းထဲတွင်လည်း ဘုရင်နှင့် တရားစီရင်ရေး အမတ်ကြီးအရာရှိများ အကျိတ်အနယ်ဆွေးနွေးနေကြသည်။
"အရှင်မင်းကြီး အနည်းဆုံး ကြိမ်ဒဏ်အချက်တစ်ရာနဲ့ ထောင်ဒဏ် သုံးနှစ်ထိ ချမှတ်ရပါမယ်"
"အမတ်ကြီး များလွန်းပါတယ် နတက်လုံးက ကိုယ်ကျိုးအတွက်မဟုတ်ခဲ့ဘူးလေ"
"အရှင်မင်းကြီး ကုန်သည်တွေရဲ့ အခွန်က နိုင်ငဲဘဏ္ဍာရဲ့ အဓိကကျတဲ့ ဝင်ငွေပါ..ကုန်သည်တွေ မကျေနပ်ရင် ပြသနာဖြစ်လာနိုင်ပါတယ်..ပြီးတော့ နိုင်ငံ ဘဏ္ဍာတွေပါ လက်ဝယ်တွေ့ရှိထားလို့ ပေါ့လို့မရပါဘူး"
"ကုန်သည်တွေက ဆင်းရဲသားတွေအပေါ် အမြတ်ကြီးစား မတရားအနိုင်ကျင့်နေတာလေ နတက်လုံးက ပြန်ကူညီပေးနေတာလေ"
"မှန်ပါတယ် မင်းကြီး ဒါပေမဲ့ ခိုးမှုပါပဲ အရှင်မင်းကြီးရဲ့ စစ်မက်သင်ကြားရေးဆရာမို့ ပြစ်ဒဏ်လျော့ပေါ့ပေးတယ်ဆိုပြီး သတင်းထွက်နိုင်ပါတယ်  ပြီးတော့.."
"ပြီးတော့ ဆက်ပြောလေ"
"အရှင်မင်းကြီးနဲ့ သင်ကြားရေးအရာရှိဝမ်ရဲ့ ဆက်ဆံရေးက သူများတွေထက်ပိုပြီး မိဖုရားထက်တောင် ပိုတဲ့ဆက်ဆံရေးဆိုပြီး ကောလဟာလတွေ သတင်းထွက်နေပါတယ်...အဲ့ဒါကြောင့် ဒီအခြေအနေမှာ မှားယွင်းသွားရင် အရှင်မင်းကြီးကော နတက်လုံးအတွက်ကော နှစ်ယောက်လုံး မကောင်းနိုင်ပါဘူး"

ရှောင်းကျန့် သက်ပြင်းသာချလိုက်ပြီး ဆက်ပြောရန် စကားလုံးများ မရှိတော့ပေ။
"ကောင်းပြီ မနက်ကျရင် ကိုယ်တော် အမိန့်လွှာပို့လိုက်မယ် မောင်မင်းတို့ပြန်တော့"