The Secret Thief & His Precious King [Completed]

Part-5 You make me excited

Unicode

အပိုင်း- ၅ အရှင်က စိတ်လှုပ်ရှားစေတယ်
ရှောင်းကျန့် ပြန်ရောက်ပြီး ဘယ်သူနဲ့မှ မတွေ့ချင်တာရယ် မိုးအနည်းငယ်မိပြီး
အအေးမိချင်သလို ဖြစ်နေတာရယ်ကြောင့်
ညီလာခံအား တစ်ပတ်ကျော်ထိ နောက်ဆုတ်လိုက်ရသည်။

ညီလာခံနေ့တွင်တော့ အမတ်များ
တော်တော်အုန်းအုန်းကျွတ်ကျွတ်ညံနေ​ ကြသည်။
ဘုရင်လုပ်ကြံခံရသည့်ကိစ္စအတွက် အမျိုးမျိုး မှတ်ချက်ပေးကြသည်။
တစ်ယောက်တစ်ပေါက် ငြင်းခုန်ကြသည်။
တရားခံအား အမျိုးမျိုး ထင်ကြေးပေးကြသည်။
ရှောင်းကျန့် ဝင်ရောက်လာသည်အထိ နားထဲ အသံပေါင်းစုံကြားပြီး တော်တော်စိတ်ရှုပ်မိသည်။
"အေးလေ ငါက မသေပဲ ပြန်ရောက်လာတော့ အကုန် ဝမ်းနည်းအံ့အားသင့်ကုန်ကြမှာပေါ့"
ရှောင်းကျန့်ကပဲ အခြေအနေကို ဝင်ထိန်းလိုက်သည်။

"တော်ကြတော့ အမတ်မင်းတို့..ငါကိုယ်တော် ဘေးမသီရန်မခပဲ ပြန်ရောက်လာပြီပဲ.
ရှေ့ရောက် ကိုယ်တော်ရဲ့ လုံခြုံရေး တိုးမြှင့်မယ်"
"မှန်လှပါ အရှင်မင်းကြီး ကိုယ်ရံတော် ခန့်အပ်သင့်ပါကြောင်း"
"ကောင်းပြီ ငါကိုယ်တော်မြတ် ကိုယ်တိုင်ရွေးချယ်မည် ဓားရေးလှံရေး ပြပွဲ စီစဉ်ပေးပါ"

ထိုစဉ် ဘုရင့် အတိုင်ပင်ခံ အမတ်ကြီးမှ
"အရှင်မင်းကြီး အလုပ်မများရအောင် ကျွန်တော်မျိုးတို့ အရည်အချင်းရှိ ထူးချွန်သူကို ရွေးချယ်ထားကြောင်းပါ"
"ဘယ်လိုအမတ်ကြီး ကိုယ်ရံတော်ရဲ့ အရည်အချင်းကို မသိရပဲ ငါကိုယ်တော် ဘယ်လိုယုံစားရမလဲ"
"မှန်လှပါ အရှင်မင်းကြီးအတွက် ကိုယ်ရံတော်ရဲ့ အချက်အလက်ကို မင်းကြီးထံ တင်ပြပေးပါမယ်"

ရှောင်းကျန့် စိတ်ထဲ ထောင်းခနဲ ဒေါသထွက်သွားသည်။
"ငါတောင်မသိပဲ အရမ်းတွေ စိတ်ကြိုက်စီစဉ်နေပါလား"
သို့သော်လည်း ရှောင်းကျန့် ဘာမှမပြောသာခဲ့ပေ။
အတိုင်ပင်ခံ အမတ်ကြီးဆိုတာ ဖခမည်းတော်လက်ထက်တည်းက ယုံကြည်အားကိုးရသူမဖြစ်နေတာကြေင့်ပင်။
နန်းတွင်းမှာလဲ အတိုင်ပင်ခံအမတ်ကြီးက အာဏာအတော်အတန်ရှိသည်။
ယခုလဲ မိမိအနားကို သူတို့အတွင်းလူ ထည့်ချင်တာ ရှောင်းကျန့်ရိပ်မိသည်။