The Secret Thief & His Precious King [Completed]

Part-29 Challange with Life

Unicode
အပိုင်း -၂၉ ဘဝနှင့်ရင်းပြီး အလောင်းအစားပြုလုပ်ခြင်း

တစ်ဖက်နိုင်ငံလို ကိုယ့်မြေကိုယ့်ဒေသ မဟုတ်တဲ့နေရာမှာ ကိုယ့်ကိုလက်ကဆွဲပြီး ရဲတင်းစွာမေးလိုက်သော ထိုသူကို
ရှောင်းကျန့် လန့်ဖြန့်ကာ ကြည့်လိုက်တော့..

"မင်း..မင်းက"
ဝမ်ရိပေါ်လဲ ရုတ်တရက် ထိုသူ၏လက်ကိုဆွဲချကာ ရှောင်းကျန့်ရှေ့က ဝင်ရပ်လိုက်ရင်း မေးလိုက်သည်။

"မင်း ဘယ်သူလဲ"
"ရိပေါ် ရတယ် နောက်ဆုတ် သူက ကို..ကိုယ်တော်ချစ်ကြည်ရေးလာတုန်းက နိုင်ငံအကြောင်း လိုက်ရှင်းပြတဲ့ စကားပြန်
လမ်းညွှန် ဟန်မင်ယွီပါ"
"အဲ့ဒါ မင်းကြီးလက်ကို မဆင်မခြင် ဆွဲစရာလိုလို့လား"

ဟန်မင်ယွီဆိုသူက ပြုံးလိုက်ပြီး ခေါင်းငုံကာ
"ရိုင်းပြမိသွားရင် တောင်းပန်ပါတယ် ကျွန်တော်မျိုး ဒီနိုင်ငံမှာ မင်းကြီးကိုတွေ့ပြီး အံသြလွန်းသွားတာပါ"
"ရတယ်..ရတယ် ကိစ္စမရှိဘူး ကိုယ်တော် ဒီရောက်နေတာ ဘယ်သူ့မှ မသိပါစေနဲ့"
"ဘာကိစ္စများရှိလို့ပါလဲ အရှင်မင်းကြီး"
"ဒီလိုပဲ စုံစမ်းစရာလေးရှိလို့ပါ"
"ကျွန်တော်မျိုး ကူညီပေးနိုင်ရင် ကူညီပေးပါရစေ"
"ရပါတယ် မင်ယွီ ကျေးဇူးတင်ပါတယ်"
"ကောင်းပါပြီ အရှင်မင်းကြီး အကူအညီလိုရင် ချန်ရှင်း ခေါက်ဆွဲဆိုင်မှာ ကျွန်တော့်ကို လာရှာပါ"
"ကောင်းပါပြီ သွားလိုက်ပါဦးမယ်"

ရှောင်းကျန့်တို့ ခပ်သုတ်သုတ်ထွက်လာတော့
"ကိုကို သူက ယုံရရဲ့လား..ကျွန်တော်တို့ ဒီရောက်နေတာ တစ်ယောက်တော့ သိသွားပြီ"
"ယုံရမယ် ထင်ရတာပဲ ရိပေါ်..သူ့ကြည့်ရတာ လူကောင်းလို့ထင်ရပါတယ်"
"ကိုကိုကလဲ ထင်ရတယ် ထင်ရတယ်နဲ့ နန်းတော်ပြန်မရောက်မချင်း ကျွန်တော့်အနားပဲနေ"

ထိုစဉ် နောက်မှ မင်ယွီဆိုသောလူ အပြေးလိုက်လာ၍ ရှောင်းကျန့်တို့ ရပ်လိုက်သည်။
"အရှင်မင်းကြီး အရှင်မင်းကြီး"
"ဘာကိစ္စရှိလို့လဲ မင်ယွီ"
"ကျွန်တော်ပြောဖို့ မေ့သွားလို့ပါ..အရှင်မင်းကြီးရဲ့ ကိုယ်ရံတော် ရှင်းယောင်ဆိုတဲ့လူလဲ ဒီနိုင်ငံရောက်နေပါတယ် အဲ့လူကို အစစအရာရာ သတိထားပါ မင်းကြီး"