The Secret Thief & His Precious King [Completed]

Part-12 I wanna help you

Unicode
အပိုင်း- ၁၂ အရှင့်ကိုကူညီခွင့်ပေးပါ
ရှောင်းကျန့်က ဝမ်ရိပေါ် လက်မောင်းပေါ်လှဲနေတာဖြစ်ပြီး
"ကိုကို မျက်နှာလေး ချောင်သွားလိုက်တာ"
"ခရီးပင်ပန်းလို့ပါ ရိပေါ်ရဲ့"
"မနက်မှရောက်ရမယ့်ခရီးကို ကိုကိုက ဘာလို့ညထဲကရောက်နေတာလဲ"
"ရိပေါ်ကို အရမ်းတွေ့ချင်နေပြီ ကိုကို မြင်းနဲ့ သီးသန့်ပြန်လာတာ"
"ကိုကိုရယ် နောက်တစ်ခါ အဲ့ဒါမျိုးမလုပ်ပါနဲ့ ကျွန်တော် စိတ်ပူရအောင်မလုပ်ပါနဲ့"
"အင်းပါ ရိပေါ် အခုလဲ ကိုကိုဘာမှမဖြစ်ပါဘူး"
"တော်သေးတာပေါ့ ကျွန်တော် မပြန်မိလို့ မနက်စောစောတစ်ခါတည်း လာတွေ့မယ်ဆိုပြီး စောင့်နေတာ"
"တစ်နေကုန် ပင်ပန်းမှာပေါ့ကွယ် ပြန်တာမဟုတ်ဘူး"
"မပြန်ရတော့ အခု ကိုကို့မျက်နှာလေး မြင်ရတယ်လေ"

ဝမ်ရိပေါ် စာရင်းစာအုပ်အား ရုတ်တရက် သတိရသွားပြီး...
"ကိုကို ကျွန်တော်ပေးစရာရှိတယ်"
"အင်း ဘာလဲ ရိပေါ်"

ဝမ်ရိပေါ် ထလိုက်ကာ အကျီရင်ဘတ်  ထဲမှ စာရင်းစာအုပ်အား ရှောင်းကျန့်ဆီ လှမ်းပေးလိုက်သည်။

"ကိုကို ဒါ ဘဏ္ဍာတိုက်စိုးရဲ့ ပစ္စည်းစာရင်းစာအုပ်..
ဘဏ္ဍာတိုက်ထဲက ပစ္စည်းတွေ မှန်မမှန်
ကိုကို ပြန်စစ်ကြည့်ပါဦး"
"ရိပေါ် ဒါဘယ်ကရလဲ.ကိုကို့ကို ဘာလို့တိုက်စစ်ခိုင်းတာလဲ"
"ဘဏ္ဍာတိုက်စိုးနဲ့ အတိုင်ပင်ခံ အမတ်ကြီးတို့ကြည့်ရတာ မရိုးသားဘူး..ကိုကိုမရှိတုန်း သူတို့ပြောတာ ကျွန်တော် နားစွန်နားဖျားကြားလိုက်တာရှိတယ် ကိုကို.
သူတို့ တစ်ခုခုကြံစည်နေတယ်လို့ ကျွန်တော်ထင်တယ်"
"ကိုကိုသိတယ်..ရိပေါ်"
"ကိုကိုသိရဲ့သားနဲ့ ဘာလို့ အရေး မယူတာလဲ"
"ကိုကိုပြောမယ် ရိပေါ် "
"အင်း ကိုကို ပြောပါ"
"ဘဏ္ဍာတိုက်ထဲက ရွှေချောင်းတွေပျောက်နေတာလဲ ကိုကိုသိတယ်.စာရင်းတွေ လိမ်ထားတာလဲ ကိုကိုသိတယ်.ရွှေချောင်းတွေကို  နတက်လုံးဆိုတဲ့ သူခိုးက အတိုင်ပင်ခံ အမတ်ကြီး အိမ်က ခိုးပြီး ဆင်းရဲသားတွေအတွက် ဘုန်းကြီးကျောင်းမှာ လှုသွားတာလဲ ကိုကိုသိတယ်..ဒါပေမဲ့ ကိုကိုမသိတာ သူတို့ ဘာကြံစည်နေမှန်းမသိတာ"

ဝမ်ရိပေါ် နတက်လုံးဟူသော အသံကြားလိုက်တဲ့အချိန် တစ်ကိုယ်လုံးအေးစက်တောင့်တင်းသွားသည်။