The Secret Thief & His Precious King [Completed]

Part-8 I Want to Teach You

Unicode
အပိုင်း- ၈ အရှင့်ကိုသန်မာအောင်ပုံသွင်းပေးမယ်

ရှောင်းကျန့် ဝမ်ရိပေါ်တို့ပြိုင်နေတာကိုကြည့်ပြီး စိတ်ကောလူပါ ပင်ပန်းလာသည်။ တော်တော်နှင့်အနိုင်အရှုံးမပေါ်သော ပြိုင်ပွဲအတွက် စိတ်လဲမရှည်တော့ပေ။
မတော်တဆ ဒီအခြေအနေထိရောက်လာပြီးမှ ဝမ်ရိပေါ်ရှုံးသွားလျှင်ဟူသော အတွေးက ရှောင်းကျန့်စိတ်ကို ဖိစီးလာ​စေသည်။
ထို့ကြောင့် ကြိုတင်တွေးတောထားသော နောက်ထပ်အစီအစဉ်တစ်ခုကို အကောင်အထည်ဖော်ရန် ချက်ချင်း ဆုံးဖြတ်ချက်ချလိုက်သည်။

"ရပ်လိုက်"
ရုတ်တရက် ပွဲကြည့်စင်ဘက်မှ ထွက်လာသော အသံကြောင့် ဝမ်ရိပေါ်နှင့်စုန့်ကျိရန်နှစ်ယောက်လုံး ယှဉ်ပြိုင်နေတာ ရပ်လိုက်ပြီး လှည့်ကြည့်လိုက်သည်။

မင်းကြီး ရှောင်းကျန့်မှ မတ်တပ်ရပ်ကာ အော်လာခြင်းဖြစ်၍ ဝမ်ရိပေါ် အံ့အားသင့်သွားပြီး ဘာဖြစ်လို့ပါလိမ့်ဟူသော စိတ်ပူသွားမိသည်။

"ငါကိုယ်တော်မြတ် ကြော်ငြာစရာရှိတယ်"
စစ်မှုရေးရာ အမတ်ကြီးမှ အနားသို့ရောက်လာပြီး
"မှန်လှပါ အရှင်မင်းကြီး ဘာများ မိန့်ကြားစရာရှိလို့ပါလဲ"
"ယှဉ်ပြိုင်နေတဲ့ နှစ်ယောက်လုံးက အရည်အချင်းရှိလို့ ဒီအဆင့်အထိ တက်လာတာ မလား
လက်ရည်လဲ တူတူနီးပါးမို့ အနိုင်အရှုံးက အချိန်ကြာသည်မပေါ်ပဲ ဖြစ်နေလိမ့်မယ်"
"မှန်လှပါ အရှင်မင်းကြီး"
"အဲ့ဒီတော့ ငါဆုံးဖြတ်ထားတာ ကြေငြာမယ်"
"အမိန့်ရှိပါမင်းကြီး"
"ယှဉ်ပြိုင်သူ နှစ်ယောက်တည်းက တစ်ယောက်ကို ကိုယ်ရံတော် အဖြစ်ရွေးချယ်မှာဖြစ်ပြီး ကျန်တစ်ယောက်ကို ငါကိုယ်​တော်ကို ကိုယ့်ခံပညာသင်ပေးမယ့် ရဲမက်အရာရှိ ရာထူးပေးအပ်မယ်"
စစ်မှုရေးရာ အမတ်ကြီးမှာလွန်စွာ အံ့အားသင့်သွားပြီး
"ပြိုင်ပွဲစည်းကမ်းနှင့် မသင့်တော်ကြောင်းပါ အရှင်မင်းကြီး.
ပြန်လည်စဉ်းစားပေးတော်မူပါ.."
"ငါကိုယ်တော်မြတ် အနိုင်အရှုံးလဲ မစောင့်နိုင်သလို ဒါအရင်တည်းက စဉ်းစားထားပြီးသားပဲ.
ကိုယ်ရံတော်ဘယ်လောက်ထားထား
ငါကိုယ်တော် ကိုယ်တိုင်မှမကာကွယ်နိုင်ရင် ဘုရင့်အသက်က အာမခံမရှိဘူး"
"အရှင်မင်းကြီး ကိုယ်ခံပညာသင်ယူလိုလျှင် နန်းတွင်းရဲမက် အရာရှိတွေထဲက ရွေးချယ်ပြီး စနစ်တကျ သင်ကြားပေးပါ့မယ်"
"မလိုအပ်ဘူး..ငါ့ကိုသင်ကြားမယ့်သူ ငါကိုယ်တိုင်ရွေးချယ်မယ်
ဒါမင်းအမိန့်ပဲ..
မောင်မင်းကြေငြာလိုက်တော့.."