The Secret Thief & His Precious King [Completed]

Part-27 First Thief Experience for King

Unicode
အပိုင်း -၂၇ အရှင့်ရဲ့ပထမဆုံး ခိုးယူခြင်း အတွေ့အကြုံ

ဝမ်ရိပေါ်လက်ဆွဲပြီး နောက်ကလိုက်လာပေမဲ့ ခြံဝင်းကြီးအနားနီးလာလေလေ ရှောင်းကျန့် လက်ဖျားခြေဖျားတွေအေးပြီး ရင်တွေတုန်လာသည်။ ဘဝမှာ ခိုးကြောင်ခိုးဝှက်အရာတွေ
လုပ်ရတာလောက်
ရှောင်းကျန့်အတွက် ခက်ခဲတာမရှိပေ။ အဆင်ပြေသွားမှာပါဟု စိတ်ထဲကသာ ထပ်ခါတလဲလဲ ဆုတောင်းနေမိသည်။

ရိပေါ် ခြံဝင်းအနားရောက်တော့ ခဏရပ်လိုက်ပြီး အခြေအနေ ကြည့်လိုက်သည်။ ခြံဝင်းကို ကာရံထားတဲ့ ခြံစည်းရိုးတံတိုင်းတွေက သိပ်မမြင့်ပဲ ဟောင်းနွမ်းပျက်စီးလု ဖြစ်နေသောကြောင့် ရိပေါ်အတွက် အသာလေးကျော်ဝင်လိုက်ရုံပင်။
ရိပေါ် ရှောင်းကျန့် အနား ကပ်ကာ..

"ခြံစည်းရိုးကို ကျွန်တော် အရင်ကျော်မှာမို့
ပြီးရင် ကိုကို ဆက်တက်လာခဲ့လိုက်ပါ"
"ဟင်..ကိုကိုမှ အမြင့်မတက်တတ်တာရိပေါ်"

ရိပေါ် စဉ်းစားရပြီ။ သူကခိုးနေကျ ခြံတွေကျော်ဝင်နေကျမို့ ပြသနာမရှိပေမဲ့ ကိုကိုက အသံမထွက်အောင် ခြံကျော်ပြီး ဝင်တတ်မည်မဟုတ်ပေ။

"ကျွန်တော်နဲ့ လိုက်ခဲ့ ကိုကို"
"ဘယ်သွားဦးမလို့လဲ ရိပေါ်"
"ခြံဝင်းထဲ ဝင်လို့ရမယ့် နောက်တစ်နည်းရှာကြတာပေါ့"

ခြံဝင်း အနီးတဝိုက်ကိုကြည့်ရင်း ရိပေါ် အရှေ့ကနေ ခြံဝင်းအောက်နားက ချုံတွေမြက်တွေကို ဓားနဲ့ဖယ်ထုတ်လိုက်သည်။

"ကိုကို ရပြီ လာ ဒီက ဝင်ရအောင်"
"ဟမ်..ဘယ်ကဝင်မှာလဲ ရိပေါ်"
"ဒီမှာ ခွေးတိုးပေါက်ကလေ"
"ခွေးတိုးပေါက်က ဝင်ရမယ် ကိုကိုကလေ."
ရှောင်းကျန့်ပြောတာတောင် ဆုံးအောင် နားမထောင်ပဲ ရိပေါ်က တိုးဝင်သွားသည်မို့ ရှောင်းကျန့် မဝင်ချင်ဝင်ချင်နှင့် တိုးဝင်လိုက်သည်။ စိတ်ထဲတွင်တော့ ငါဘုရင်ဆိုတဲ့ ဖြစ်တည်မှုက
လေထဲ လွင့်ပြယ်သွားလေပြီထင်ရသည်။

ခြံဝင်းထဲက ပစ္စည်း အပျက်တွေကြား ရိပေါ်တို့ အကာအကွယ်ယူကာ အဆောက်အဦးဘက်ကို
အခြေအနေလှမ်းကြည့်နေကြသည်။

"ပင်မ တံခါးပေါက်ကနေတော့ ဝင်လို့ရမှာ မဟုတ်ဘူး ကိုကို..ကျွန်တော်တို့ ပြတင်းပေါက်ဖြစ်ဖြစ် အနောက်ဘက် တံခါးပေါက်ဖြစ်ဖြစ်ရှာရအောင်"