The Secret Thief & His Precious King [Completed]

Part-43 Solution of Some Secret Pieces

Unicode
အပိုင်း- ၄၃ နတက်လုံးဟူသော အဖြေ

နန်းတော်ထဲတွင် ပုန်ကန်သော ကိစ္စရပ်ကြီး ပြီးကာမှ မကြာသေးမှီအချိန်မှာပဲ နောက်ထပ် အံအားသင့်စရာ ကိစ္စရပ်ကြီးက ပျံနှံ့နေလေသည်။
ဘုရင့်ရဲ့ စစ်မက်သင်ကြားရေး အရာရှိဝမ်က နတက်လုံးဖြစ်နေခြင်းပင်။ အံသြသူများက အံသြသကဲ့သို့ ရှုတ်ချသူများက ရှုတ်ချကြသည်။

နန်းတွင်း တရားစိစစ်ရေးရုံးတွင်လဲ ဟောက်ရွှမ်း မလှုပ်မယှက် ထိုင်နေသည်။ အရာအားလုံး အဆင်ပြေနေသည်ဟု ထင်ကာမှ မိုးလင်းလင်းချင်းကြားလိုက်ရတဲ့ သတင်းက ဟောက်ရွှမ်းကို မယုံကြည်နိုင်ဖြစ်စေသည်။ ရိပေါ်က နတက်လုံးဖြစ်နေသည်ဆိုတာကပိုပြီးတုန်လှုပ်စေသည်။

နှစ်ပေါင်းများစွာ သူငယ်ချင်းလို ညီအကိုရင်းလို တစ်အိမ်ထဲတူတူ နေလာခဲ့တာတောင် လုံးဝမရိပ်မိတဲ့
မိမိက ညံ့လွန်းတာလား ရိပေါ်ကပဲ တော်လွန်းတာလားဟု ဟောက်ရွှမ်းမသိပေ။ လောလောဆယ် အခြေအနေမှာ ရိပေါ်ကို ဟောက်ရွှမ်း ဘာတစ်ခုမှ မကာကွယ်ပေးနိုင်သေးပေ။

ရိပေါ်ကို ပထမရုံးချိန်းနေ့မှာ စစ်ဆေးတော့ ကုန်သည်က ကျောက်စိမ်းဆံထိုးကို မတရားယူထား၍ ရိပေါ်က ပြန်ခိုးပေးသည်ဟု ထွက်ဆိုခဲ့သည်။
ရိပေါ်ကိုကူညီရန် ဟောက်ရွှမ်း ကိုယ်တိုင် ထိုအဘိုးအဘွားနှစ်ယောက်ကို သက်သေအဖြစ် တရားရုံးထိ သွားခေါ်လာပြီး ထွက်ဆိုစေသော်လည်း သားသမီးချင်း ကိုယ်ချင်းမစာသည့် လင်မယားမှာ ကုန်သည်၏ ထောက်ပံ့မှုကို ယူကာ
"မသိပါဘူး ကျောက်စိမ်းဆံထိုးက မိမိတို့ပိုင်ပစ္စည်း မဟုတ်ပါဘူး"ဟု ရိပေါ်ကိုအကွက်ကျကျ ထိုးနှက်ခဲ့သည်။

ရိပေါ် နားလည်လိုက်သည်က ပုန်ကန်မှုမတိုင်ခင်တည်းက ရိပေါ်ကို ဒုက္ခရောက်စေရန်စီစဉ်ထားခဲ့ခြင်းပင်။ ဒါပေမဲ့ ရိပေါ်ကိုယ်တိုင် မသင်္ကာဖြစ်တာက မိမိ နတက်လုံးဆိုတာ တစ်ဦးတစ်ယောက်မျှ မရိပ်မိသော အရာဖြစ်သည်။ သို့ပေမဲ့ အခုလိုအဖမ်းခံရတဲ့ အထိဖြစ်လာတာ ရိပေါ်ကိုယ်တိုင် နားမလည်ပေ။

ထိုအဖြေကို ဒုတိယ ရုံးချိန်း စစ်မေးတဲ့ရက်မှာ ရိပေါ်နားလည်သွားခဲ့သည်။ ရိပေါ်တို့အိမ်ကို ဝင်ရောက်ရှာဖွေတော့ ရိပေါ နယ်စပ်မှာတုန်းက စာပေရေးရာ အမတ်ကြီးအိမ်က ယူလာခဲ့သော ရွှေချောင်းများတွေ့ရသည်တဲ့။
ထို့အပြင် ဘယ်သူဘယ်အချိန်က လာထားသွမှန်းမသိသော ဘုရင့် ဘဏ္ဍာတိုက်က ရွှေတုံးများတွေ့ရသည်တဲ့။