Unicode
အပိုင်း - ၄၁ အရှင်နှင့်နတက်လုံးကြားက လျို့ဝှက်ချက်တိတ်ဆိတ်နေတဲ့ မနက်ခင်းမှာ နေရောင်ခြည်ကတော့ သူ့တာဝန်သူ အချိန်မှန်ထမ်းဆောင်ကာ နန်းတော်အတွင်းသို့ ဖြာကျလျက်ရှိသည်။ ကျေးဌက်တို့ကလဲ ယမန်နေ့ညက ဘာမှမဖြစ်ခဲ့သလို ပျော်ရွှင်မြူးတူးစွာ သီကြွေးဟစ်အော်နေကြသည်။ စိုးစိုးစီစီညံတဲ့ အသံတို့ကြောင့် ရှောင်းကျန့် သတိလစ်နေခဲ့ရာက အသိစိတ်တို့ ပြန်လည်ဝင်ရောက်ကာ နှိုးထလာခဲ့သည်။ ခန္ဓာကိုယ်တစ်ခြမ်းလုံး သေနတ်ဒဏ်ကြောင့် ပြင်းထန်စွာနာကျင်နေကာ ကျန်တစ်ဖက်ခြမ်းမှာတော့ လှုပ်မရအောင်လက်မောင်းပေါ် ကွေးကွေးလေးတက်အိပ်နေတဲ့ အနှီလူသားလေး ဝမ်ရိပေါ်ကြောင့် ထုံကျဉ်စပြုနေလေပြီ။
ရှောင်းကျန့် မျက်လုံးကို အားယူဖွင့်လိုက်ကာ ညက အကြောင်းအရာများကို ခေါင်းထဲတစ်ခုချင်း ပြန်စီကာ စဉ်းစားလိုက်သည်။ သေနတ်ကျည်ဆံမှန်ကာ ရိပေါ်ရဲ့ မျက်ရည်များနှင့် မျက်နှာကို ဝေဝေဝါးဝါးတွေ့လိုက်ပြီးနောက် ကျန်တာ ဘာမှမှတ်မိတော့ပေ။ ရှောင်းကျန့် အသက်ရှိသေးပါလား ဟု အတွေး ဝင်လိုက်ပြီး ထရန်ပြင်လိုက်သည်။
ရှောင်းကျန့် လူးလွန့်စွာ လှုပ်ရှားလာတာကြောင့် ရိပေါ်ပါ မျက်လုံးပွင့်လာပြီး ပြာပြာသလဲထကာ.
"ကိုကို သတိရပြီလား"
"သမားတော် ရှိလား သမားတော် အရှင်မင်းကြီး သတိရလာပြီ"
ရိပေါ် ရှောင်းကျန့်ကိုမေးလဲမေး အပြင်ဘက်ကိုလဲ တစ်ဆက်တည်း သမားတော်ကိုအကြောင်းကြားလိုက်သည်။သမားတော် ဝင်လာတော့ ရှောင်းကျန့် ထရန်ပြင်လိုက်သော်လည်း လူကလုံးဝမလှုပ်နိုင်ပဲ ပြန်လဲကျသွားသည်။
"ကိုကို မထနဲ့..လှဲနေ လှဲနေ"
"အရှင်မင်းကြီး လှဲနေရပါဦးမယ် ဒဏ်ရာအရှိန်က ကျန်ပါသေးတယ် ဆေးထည့်ပြီး ထူပေးပါ့မယ်"
"ကျည်ဆံကော အထဲမှာလား ကိုယ်တော် အသက်မသေဘူးလား"
"ကျည်ဆံကိုထုတ်ယူပြီးပါပြီ မင်းကြီး အသက်အန္တာရယ် မစိုးရိမ်ရတော့ပါဘူး"
"ထုတ်ပြီးပြီလား ဘယ်သူ ထုတ်ပေးတာလဲ ခန္ဓာကိုယ်ထဲ မရှိတော့ဘူးလား"
"သင်ကြားရေးအရာရှိဝမ်က ထုတ်ယူပေးထားပါတယ်"
"ရိပေါ် ရိပေါ်ကလား"
ရှောင်းကျန့် ဝမ်ရိပေါ်ကိုလှမ်းကြည့်လိုက်တော့ အဝေးကနေအပြစ်ရှိတဲ့မျက်လုံး စိတ်မကောင်းတဲ့ မျက်နှာနှင့် မိမိကိုလှမ်းကြည့်နေသည်။
YOU ARE READING
The Secret Thief & His Precious King [Completed]
Romanceမင္းက တိမ္ေတြလိုပဲ ဝမ္ရိေပၚ ေလအလ်င္နဲ႔ အျမဲ ေပ်ာက္ကြယ္သြားတယ္... Xiao Zhan အဲ့ဒီတိမ္ဆိုတဲ့ ကြၽန္ေတာ့ကို ခင္ဗ်ားဖမ္းဆုပ္မထားခ်င္ဘူးလား... Wang Yi Bo Yizhan Zhanyi ႏွစ္ခုလံုးပါေသာ Seke Type Fiction အမ်ိဳးအစားပါ