The Secret Thief & His Precious King [Completed]

Part-2 I Will Protect You

အပိုင်း-၂ အရှင်မင်းကြီးကို ကယ်တင်ခြင်း
ညက ရှောင်းကျန့်တစ်ယောက် ကြောင်ပြီးကျန်ခဲ့လေသည်။
"ဒီလုပ်ကြံကောင် ထွက်ပြေးသွားတာလား.."
"ငါ့ကို ခြိမ်းခြောက်ပြီးလေ"
"ငါကဘာလို့ ရင်တွေခုန်နေရတာလဲ ဒင်းကို ကြောက်သွားလို့လား"
ရှောင်းကျန့် တစ်ညလုံးလဲ ပြန်အိပ်လို့ မရခဲ့ပေ။ နန်းတွင်းထဲက ရဲမက်တွေလဲ ဘယ်သူမှန်းမသိတဲ့ ကျူးကျော်သူကြောင့်
တစ်ညလုံး  အလုပ်ရှုပ်သွားရသည်။
နောက်ညတွေတော့ လုံခြုံရေးအပြည့်ချထားမှပဲဟု ရှောင်းကျန့် တွေးလိုက်သည်။ အိပ်မပျော်တဲ့အတွက်
မနက်ဖြန် မိုးခေါင်ခြင်းအတွက်
ဆွေးနွေးမယ့် ညီလာခံရှိတာနဲ့ ပြောရဆိုရ လက်ပေါက်ကပ်တဲ့
အမတ်တွေကို ဘယ်လို ဆွေးနွေးရမလဲပဲ ထိုင်စဥ်းစားနေလိုက်သည်။

တကယ်တော့ ရှောင်းကျန့်က ဘုရင်ဆိုပေမဲ့ အာဏာသိပ်မရှိပါဘူး.
ရှောင်းကျန့်က ငယ်ငယ်တည်းက စစ်မှုရေးရာ တိုက်ရေးခိုက်ရေးထက် စာပေတွေပဲ အရမ်းဖတ်ခဲ့တာ.ထို့ကြောင့် အမတ်တွေမပြောနဲ့ ဖခမည်းတော်လုပ်တဲ့သူကတောင် ရှောင်းကျန့်ကို မကြည်ဖြူခဲ့ပေ။
"နိုင်ငံကို ဦးဆောင်ဖို့ ပျော့ညံ့လွန်းတယ်တဲ့"
ဖခမည်းတော်ရုတ်တရက်နတ်ရွာစံသွားတော့ မယ်တော်ရဲ့ အာဏာစက်ပြင်းတာကြောင့် ရှောင်းကျန့် နန်းတက်ခွင့်ရခဲ့ခြင်း ဖြစ်သည်။
ဒီဘုရင်နေရာကို ချောင်းမြောင်းနေကြတဲ့သူတွေ အမြောက်အမြားပင်။
ရှောင်းကျန့် တစ်ညလုံး မအိပ်ထားလို့ ခေါင်းကမူးနောက်နောက်နဲ့ ရင်တုန်ပြီး မနက်စာလဲ သိပ်မစားနိုင်ခဲ့ပဲညီလာခံကိုသာ ထွက်လာခဲ့လိုက်သည်။
ရှောင်းကျန့်ဝင်လာတာနဲ့ မှုးမတ်တွေ အရိုအသေပေးပြီး တစ်ယောက်တစ်ပေါက် စပြောကြတော့သည်။
"အရှင်မင်းကြီး တောင်ပိုင်းနယ်မှာ မိုးမရွာတာ နှစ်နှစ်ရှိပါပြီ"
"မြောက်ပိုင်းမှာလဲ ရေကန်တွေ ခမ်းလုနီးနီးပါ ဘုရား"
"နိုင်ငံနဲ့ချီတဲ့ မိုးခေါ်ပွဲ ကျင်းပပေးပါ အရှင်မင်းကြီး"
ရှောင်းကျန့် နားတွေတောင်ပူလာသည်။
တကယ်ဆို ဖခမည်းတော်နတ်ရွာ မစံခင် ကာလလေးကပဲ နိုင်ငံ့ဘဏ္ဍာထဲက တစ်နိုင်ငံလုံးကို တစ်လစာနီးပါး အပြည့်အဝထောက်ပံ့ထားတာကို အခုတော့....
"ပြည်သူတွေ လက်ထဲ မရောက်တာလား"
"အသပြာတွေ ဘယ်ရောက်ကုန်တာလဲ"
ရှောင်းကျန့် သူကိုယ်တိုင် ဦးဆောင်မှရတော့မည်။
"မိုးခေါ်ပွဲက ဘယ်နေ့ကျင်းပမှာလဲ အမတ်ကြီးတို့"
"နတ်နန်းက တွက်ချက်ပေးတဲ့ နက္ခတ်တာရာ အရ သန်ဘက်ခါ ကျင်းပမှာပါ အရှင်မင်းကြီး"
"မိုးခေါ်ပွဲက သုံးကြိမ်မက ငါးကြိမ်တောင်ကျင်းပနေတာ မိုးကမရွာသေးဘူးလား"
ထိုစဉ် နတ်ဆရာမက တစ်စုံတစ်ခုဝင်ပြောရန် ခွင့်တောင်းလိုက်သည်။
"အရှင်မင်းကြီး ကျွန်တော်မျိုးမအား လျှောက်တင်ခွင့်ပြုပါ"
"ပြောစေ"
"နိုင်ငံတစ်ခုရဲ့ ဥသျောင် အရှင်မင်းကြီးက တစ်ကိုယ်တည်း သီးသန့်နေလို့မရပါဘူး.
ကြင်ယာတော်ရှိမှ တွဲဘက်ညီပြီး
နိုင်ငံတော်ရဲ့ အင်္ဂါရပ်နဲ့ ပြည့်စုံပြီး ရာသီဥတုမှန်ကန်ပြီး စည်ပင်ဝပြောမှာပါ အရှင်မင်းကြီး"