The Secret Thief & His Precious King [Completed]

Part-37 I want to See You

Unicode
အပိုင်း- ၃၇ အရှင် မင်းကိုတွေ့ချင်နေပြီ

မနက်စောစောထဲက ရှောင်းကျန့် စစ်မက်သင်ကြားရေးကွင်းဘက် တစ်ခေါက်သွားကြည့်ခဲ့သော်လည်း
ရိပေါ်ကိုမတွေ့ရချေ။ ဘဏ္ဍာတိုက်ဘက်သွားကာ ဟောက်ရွှမ်းကိုမေးရန်ကြံမိသော်လည်း အရမ်းစောနေသေးသည့်အတွက် ဟောက်ရွှမ်း ရောက်ဦးမည်မထင်ပေ။ ရှောင်းကျန့် ညီလာခံလဲတက်ရမည်ဖြစ်သောကြောင့် မနက်ပိုင်းမသွားခင် ရိပေါ်ကိုတွေ့သွားချင်သေးသည်။ နန်းဆောင်ထဲ မနက်စာတောင်မစားပဲ ခေါက်တုန့်ခေါက်ပြန်လျှောက်ရင်း စိတ်လောနေသည်။

"အရှင်မင်းကြီး ကိုယ်ရံတော်ကျိရန်ပါ တာဝန်ထမ်းဆောင်ရန် ပြန်လည်ရောက်ရှိပါပြီ"
"ဝင်ခဲ့ပါ"
စုန့်ကျိရန် မင်းကြီးကို အရိုအသေပေးလိုက်သည်။
"ဒဏ်ရာတွေ သက်သာရဲ့လား ကိုယ်ရံတော် ကျိရန်"
"ပျောက်ကင်းသွားပါပြီအရှင် စိတ်ပူစေလို့ စိုးရွံမိပါတယ်"
"ကိစ္စမရှိပါဘူး ကိုယ်တော့်ကြောင့်ပဲမို့ နားနားနေနေလုပ်ပါ"
"အရှင်မင်းကြီး ဝမ်ရိပေါ် စကားပါးလိုက်ပါတယ်"
"ဘာတဲ့လဲ ကိုယ်ရံတော် ကျိရန်"
"ရိပေါ် ဖျားနေပါတယ် အရှင်..အဲ့ဒါကြောင့် ဒီနေ့တစ်ရက်အနားယူခွင့်ပြုပါတဲ့"
"စိုး..စိုးရိမ်ရလား ကိုယ်ရံတော်"
"မစိုးရိမ်ရပါဘူး မင်းကြီး အနားယူလိုက်ရင် သက်သာပျောက်ကင်းသွားမှာပါ"
"ကောင်းပါပြီ ကိုယ်ရံတော်"

စုန့်ကျိရန် မင်းကြီးရှေ့က ပြန်ထွက်လာမှပဲ သက်ပြင်းချနိုင်တော့သည်။ ညသန်းခေါင်ကျော်အချိန်တုန်းက ဟောက်ရွှမ်း ကျောပေါ်က သတိလစ်နေတဲ့ ရိပေါ်ကို ပြန်တွေးရင် ကျိရန်ပါ ကျောချမ်းရသည်။

မနေ့ညက သန်းခေါင်ယံအချိန်လောက်
သတိလစ်နေသည့် ရိပေါ်ကိုကြည့်ကာ ဟောက်ရွမ်းဘာလုပ်ရမလဲမသိပဲ ထူပူနေသည်။ အသက်ကို မျှင်းမျှင်းလေးပဲရှုတော့သည့် ရိပေါ်ကို ဒီတိုင်းဆက်ထားရင် တကယ်ပဲ လက်လွှတ်ရလိမ့်မည်။ အခုနေ ဆေးဆရာအိမ်ပို့ဖို့ကျ အပြင်မှာ လူသတ်သမားက စောင့်နေနိုင်သည်။ ဟောက်ရွှမ်း ထပ်မစဉ်းစားနိုင်တော့ပဲ ရိပေါ်ကို ကျောပိုးကာ ကျိရန်တို့အိမ်ကိုပြေးတော့သည်။ လူသတ်သမားရန်ကြောင့်ထိုင်ကြည့်နေရတာနဲ့စာရင် ရသလောက်အားနှင့်ရိပေါ်ကို ကယ်ချင်သေးသည်။