The Secret Thief & His Precious King [Completed]

Part-32 Let's Die Together (or) Let's Stay Together

Unicode
အပိုင်း-၃၂ အတူတူ အသက်ရှင်မလား. အတူတူ အသက်စွန့်မလား

စုန့်ကျိရန် သတိရလာတော့ လူက တိုင်တစ်ခုနှင့် တွဲချည်ခံထားရကာ တစ်ကိုယ်လုံး လှုပ်မရပဲ ကိုက်ခဲနေပြီး ခေါင်းအနောက်ကလဲ နာကျင်မှုကို ပြင်းပြင်းထန်ထန်ခံစားနေရသည်။ မျက်လုံးတွေကိုလဲ အဝတ်နှင့်စီးထားခံရသောကြောင့် ပတ်ဝန်းကျင်ကို လုံးဝမမြင်နိုင်ပဲ မှောင်ပိန်းနေသည်။ ဘယ်နေရာရောက်နေသည်ကို
ကျိရန် လုံးဝခန့်မှန်း၍ မရနိုင်ပေ။

ညက အတိုင်ပင်ခံအမတ်ကြီးတို့ကို နောက်ယောင်ခံလိုက်ရင်း
လှေဆိပ်မှာ တစ်စုံတစ်ယောက်၏ အလစ်ရိုက်ခံလိုက်ရသည်ကိုသာ မှတ်မိပြီး နောက်ပိုင်းဘာတစ်ခုမျှ သတိမရတော့ပေ။ အပြင်မှ တစ်စိုးတစ်စီကြားရသော အသံများအရ ကျေးဌက်တို့ အိပ်တန်းဝင်ရန်အော်မြည်သံများဖြစ်နိုင်ပြီး ညနေပင်စောင်းလုအချိန်ရှိပြီဟု ကျိရန်တွေးလိုက်သည်။

ကျိရန် မိမိနောက်ယောင်ခံလိုက်လာသည်ကို အမတ်ကြီးတို့ သိသွားတာလား..
တစ်ခြားတစ်ယောက်ရိုက်တာလား..
လုံးဝ ဝေခွဲမရပေ။
ဒီအချိန်လောက်ဆို ဟောက်ရွှမ်းတို့လဲ သူပျောက်နေတာသိ၍ လိုက်ရှာနေလောက်ပြီ။ ကျိရန်ချည်ထားသောကြိုးများကို ကြိုးစားရုန်းကန်သော်လည်း လုံးဝလွတ်မြောက်ရန် မလွယ်ကူပေ။

ထိုအချိန်မှာပဲ အထဲသို့ လူများဝင်လာသည့် ခြေသံကြားရ၍ ငြိမ်နေလိုက်သည်။
လူအများဝင်လာသည်ဟု ကျိရန်ထင်လိုက်သော်လည်း ခြေသံများအရ သုံးယောက်လောက်ပင်ဖြစ်မည်ဟု ခန့်မှန်းလိုက်သည်။ လူတစ်ယောက်က ရှေ့အနားတိုးလာပြီး ကျိရန်မေးကနေ ဆွဲညှစ်ပြီး မော့စေကာ..

"ဘုရင့်ကိုယ်ရံတော်က အရမ်းတွေ အတင့်ရဲနေပါလား"
"မင်းတို့ ဘယ်သူလဲ ဘာလို့ငါ့ကိုဖမ်းထားတာလဲ"

"ဟားဟားဟား...ကိုယ်ရံတော်လေးက ဟန်ဆောင်ကောင်းလှချည်လား"
"ဘုရင်က ဘုန်းကြီးကျောင်းမှာ ဝတ်ပြုနေတဲ့ချိန် မင်းက လတ်လျားလတ်လျား ညဘက်ကြီး လျှောက်သွားနေတာကိုး"

"မင်းတို့ ဘယ်သူလဲ သတ္တိရှိရင် ငါ့မျက်လုံးစီးထားတာချွတ် ကြိုးဖြည်လိုက် တစ်ယောက်ချင်း တရားမျှမျှတတ တိုက်မယ်ကွာ"
"ခွပ်..ခွပ်"