The Secret Thief & His Precious King [Completed]

Part-15 I will follow you

Unicode
အပိုင်း -၁၅ အရှင့်နောက် လိုက်ခွင့်ပြုပါ

ဝမ်ရိပေါ်တို့ ဆေးဆရာကြီး စုန့်ကျိရန်၏ ဖခင်နေအိမ်သို့ ရောက်နေသည်။
ဟောက်ရွှမ်းကပါ ဆေးယူစရာရှိသည်ဟုဆိုကာ လိုက်လာခဲ့သည်။ဝမ်ရိပေါ် ယူလာသည့် အပြာရောင် ဆေးအမှုန့်လေးများအား
ဆေးဆရာကြီးလက်ထဲ ထည့်ပေးလိုက်သည်။

"ကျေးဇူးပြုပြီး ဒါဘာဆေးလဲ ကြည့်ပေးပါ ဆရာကြီး"

ဆေးဆရာကြီးက ထူးဆန်းစွာ ကိုင်ကြည့်ရင်း အနည်းငယ် ပါးစပ်ထဲ တို့လိုက်သည်။

"မင်းတို့ ဒါကို ဘယ်ကရလာတာလဲ"
"ကျွန်တော့်ကို ယုံပါ အဖေ.. နန်းတွင်းမှာမင်းကြီး
လုံခြုံရေးကိစ္စ အရေးကြီးနေလို့ပါ"
"တကယ်တော့ ဒါဆေးမဟုတ်ဘူး ဒီနိုင်ငံမှာလဲ မရှိဘူး..သေချာပြောရရင် ပန်းဝတ်မှုန်တစ်မျိုးပဲ..တစ်ဖက်နိုင်ငံက ရေခဲတောင်ဒေသမှာပဲ ပေါက်တာ"
"ဘာအတွက်ကောင်းတာလဲ ဆရာကြီး"
"ပြောရရင် ဟိုးအရင်တုန်းက အဲ့ဒီပန်းဝတ်မှုံကို ကာမအားတိုးဆေးအနေနဲ့ မှီဝဲကြတယ်"
"ဟင်..ဘယ်လို"

အားလုံးတစ်ပြိုင်နက် အာမေဋိတ် အသံများထွက်လာပြီး ဝမ်ရိပေါ်သည်လဲ လန့်​ဖြန့် သွားလေသည်။
"ဘာလို့ ကိုကို့ကို ဒီဆေးတိုက်တာလဲ ဘာလို့လဲ"

ဆေးဆရာကြီးမှ စကားဆက်လိုက်ရင်း
"ဒါပေမဲ့ ဒီပန်းဝတ်မှုံဆေးကို
တားမြစ်ထားတာ နှစ်အတော်ကြာပြီ"
"ဘာလို့လဲ အဖေ"
"သူက သုံးလေးလမှသာ တစိကြိမ်သောက်သင့်တာ..
အဲ့ဒါကို လူတွေက ကာမအားတိုးတယ်ဆိုပြီးအမြဲ
မှီဝဲလာတော့ ဘေးထွက်ဆိုးကျိုးအနေနဲ့ အားအင်တဖြည်းဖြည်း ချိနဲ့လာပြီး နောက်ဆုံး အသက်ဆုံးရှုံးတဲ့အထိ အန္တရာယ်ပေးလာလို့ပဲ"

ဆေးဆရာကြီး စကားကြားပြီး ဝမ်ရိပေါ် အသက်ရှုများပင်ရပ်မတန့်ဖြစ်သွားပြီး ဒေါသများ တလိပ်လိပ်တက်လာသည်။
"ဘယ်သူက မင်းကြီးကို ဒီဆေးနေ့တိုင်း တိုက်ရတာလဲ...ဘာလို့များ ဒီလောက် ရက်စက်ရတာလဲ"

"တကယ်လို့ ရောဂါဖြစ်လာပြီဆို
ဘယ်လိုကုရမလဲ ဆရာကြီး"
"အချိန်သိပ်မကြာသေးရင် ဆေးရပ်လိုက်တာနဲ့ လူကောင်းပြန်ဖြစ်နိုင်ပါတယ်.
အချိန်ကြာသွားရင်တော့ ကုမရတော့ဘူး"
"ကျေးဇူးတင်ပါတယ် ဆရာကြီး ဒီကိစ္စက နန်းတွင်းနဲ့ဆိုင်တာမို့ ကျေးဇူးပြုပြီး ကျွန်တော်တို့ လာမေးတာ လျို့ဝှက်ထားပေးပါ"
"ဟုတ်ပါပြီ စိတ်ချပါ"