Heartthrobs In One Roof (Completed)

7

Ice-cream

Matapos ng gawain ko ay nagpaalam ako sa aking mga amo na maghahanap akong scholarship pero anghel nga talaga itong si Wyn dahil sa inoffer niya sa akin.

Kinuwento ni Jez ang nangyari tungkol sa akin kaya ito sinamahan ako ng dalawa sa future in-laws ko.

Nalaman kong hindi close ni Wyn ang kuya niyang si Ten kaya nagdesisyon siyang sumama kay T.H. Kasundo niya naman ang mga magulang niya. Katunayan ay mukhang mababait ang mga ito base sa kwento ni Jez.

Pagpasok sa itim at higante nilang gate ay napanganga ako.

"Girl, hindi lang langaw ang kasya sa bunganga mo kundi ipis", aniya Jez na nasa tabi ko.

May malaking fountain sa hardin ng mansyon nila. May hardinero silang nagbubunot damo at nagdidilig ang iba.

Buhay prinsipe siguro si Wyn sa bahay na ito. Ano kayang pakiramdam na maging prinsesa niya?

Nakakahilo ang laki ng bahay nila. Mukhang luma na ito dahil espanyol ang disenyo nito na nakaukit sa pader ng kanilang bahay. May anghel pang estatwa na sa gabi ay nakakatakot.

Pagpasok namin sa mismong loob nito bumungad ang napakarami pang pigurino. Gusto ko sanang hawakan ang ilan sa mga roon lalo na ang dalawang batang anghel pero tinampal ni Jez ang kamay ko.

"Wag. Hindi pinapahawak yan ni Tita sa kung sinu-sino. Kahit ako ay hindi ko pa yan na hawakan"

"Senyorito!", aniya ng babaeng nasa 40's. Nakabestida siyang kulay asul. Nakangiti siya kay Wyn saka bumaling sa akin.

"Sino po siya?"

"Ako po? Isa po akong Dyosa na bumaba. Syempre joke. Ako po si Kaoree", ngumiti ako at umismid naman siya.

"Nasisiraan yata ng bait ito", bulong niya.

Never mind. Ganyan talaga ang isip ng hindi makapaniwala na maganda ako.

"Upo po kayo", sabi nito.

Parang mababali ang leeg ko dahil sa pag eksamina ng kabuuan ng bahay. Hindi man bago ang disenyo nito pero talaga namang nakakaakit tignan.

"Tawagin ko lang si Madam", tumango si Wyn sa sinabi nito.

Ilang minuto ay nakabalik siya kasama ang babaeng naka bestidang krema. Maganda ang perlas nitong hikaw bagay sa maamo niyang mukha. Kasing puti ng bulak ang kutis nito at namumula. Matangos ang ilong kagaya ng kay Wyn habang ang labing manipis ay namumula dahil sa lipstick.

"Ganda naman ng future mother-in-law ko", hagikhik ko sa isang tabi.

Kinurot ako ni Jez ng pa-simple. "Behave ka. Wag masyadong pa-halatang malandi ka"

"Ngayon lang kita ulit nakita Jez. Mukhang gumaganda ka", aniya ng nanay ni Wyn. Ang kaibigan ko ay mabilis na niyakap siya. Parang maamong tupa dahil sa mga mata nito.

Maingat siyang bumalik sa kanyang pwesto kung saan umupo sa tabi ko.

"Ang plastik mo don ha", bulong ko.

"Syempre kailangan modest. Gayahin mo kasi ako girl", pagmamalaki ng tono niya. Ngumuso naman ako.

"Modest? Mas okay ako sa whisper"

"Gaga! Hindi napkin ang tinutukoy ko"

Si Wyn naman ay lumapit sa kanyang ina para bang walang paki sa pag-uusap namin ni Jez o hindi niya lang rinig.

"Anak, sino naman itong isang kasama mo?", bumaling siya sa akin ng magtanong kay Wyn na nakipagbeso sa kanya.

Nagbeautiful eyes ako. Inayos ang upo at nagchest in kahit wala akong chest.