كرونيك صراع مع القدر (باللهجة الجزائرية)🔥🔥

البارت 04

      لطالما حلمت بك سواء في نومي أو في يقظتي حلمت بك تهمس لي ........تربت على كتفي........ تغرقني بحنانك الدائم..... تشبعني بكلماتك التي تخدرني.... تتغزل بي .....وترويني بأنهار من نصائحك .....تربكني وأنت تهمس بنبرة الخشنة وبحة صوتك التي عشقتها حد النخاع ولكن ......عندما أفتح عيناي لا أجدك فأعود للواقع المر غصبا عني 💔💔
                         ❤  من تأليفي ❤

************************************

      هبطت من الطيارة ضربتها نسمة باردة حركتلها شعرها إستنشقت من هواء بلادها ومبعد هبطت في السكالي ......

    لحڨها هو ڨالها:" لازم نروحو نريحوا باسكو غدوا عندنا مهمة صعيبة."

    جاوباتو:" روح إلا حبيت أنا رايحة نزور قبر محمد اليوم كمل عليه عام ملي مات."
  
     هبط راسو هو وغاس زمااان ومبعد هز راسو وڨالها:" نسيت أصبري نروحو مع بعض ."

  مشات هي ڨدامو وهي رافعة راسها ماهي مقيمة حتى واحد تمشي بكل ثقة وصلو للمقبرة لڨاو سارة ثم نطڨت هي ڨاتلو :"هاهي ال****** اللي دات محمد عليا ."

تقلق هو وعيط عليها :"صكري فمك واش راكي تهدري الطفلة خاطياتك ."

ڨاتلو بإستهزاء:" واش تديفوندي عليها وقيلا راك حاط عينك عليها نتا ثاني."

خلاص ثم تنارفا تاع الصح ڨريب ضربها كون محكمش في روحو ڨالها :" وشبيك هبلتي لاه أنا رخيس حتان نحط عيني على مرت صاحبي ؟!"

وهي كي شغل معيطش عليها والو تڨول متحسش ڨاتلو بكل برودة :"خلاص أسكت علينا إحترم البلاصة اللي رانا فيها ."

  زير هو على دبزتوا حتان بياضو مفاصلوا كان رايح يقتلها نورمال ماهيش بنادم هاذ الطفلة الحجر يحس خير منها .

دخلو للداخل هي تجاهلت سارة وڨعدت تقرى في الفاتحة علي قبر محمد وتدعيلو وهو ڨعد يصبر في سارة ويدعي لمحمد

  هذي رحيق ضابطة جيش أمام الناس لكن في الحقيقة عميلة في المخابرات هي ويوسف وكان معاهم محمد خدمتهم تحتم عليهم السرية التامة لازم واحد مايعرف بلي يخدمو في المخابرات حتى عائلاتهم .

************************************

   ڨدام الصالون تاع سوزان كان واقف واحد الراجل وهاز فوطو تاع طفلة في يدو متكي علي الحيط ولايح يديه في جيابو ويدنڨ للفوطو ويعاود يشوف في سوزان وهي تدور وتخدم في خدمتها وتمشط للنساء وتديرلهم في المايك آب إلى آخره (خاطيني هاذ الحوايج 😅😅😅)

شاف فيها مليح وتبسم على جنب وتمتم بين شواربو :" وأخيرا لڨيتك سوزا !!!!"

************************************

     كانت واڨفة توال الڨبر تاعو بعد ماودعت سيف وڨاتلو خليني نڨعد شوي وحدي ومبعد نرجع وحدي