عقمت روحها ولبست تنفست مليح وجات داخلة لغرفة العمليات حبستها روان كي هدرت روان : سارة متأكدة من الشي اللي راكي تديري فيه ؟! سارة : إيه متأكدة متڨوليليش نخليه يموت خاطر سيادة الجراحين تاوعنا غايبين روان : بصح تتعاقبي نتي مزلتي تتدربي متقدريش تديري عملية وحدك !! سارة : ميهمش هو خاطر بروحو على جالي وأنا مستعدة نخاطر بمهنتي على جالو !! دخلت وخلات روان برا تتحسر عليها علابالها بلي رايحين يعاقبوها ....
كان مكسل فوق الطابلة ماهو حاس بحتى شي سمات بسم الله وبدات تديرلو في العملية سارة : أحمد أعطيني المشرط أحمد : تفضلي غمضت عينيها خذات نفس مرة أخرى وعاودت حلتهم وبدات مع حلت الجرح ويغمرها الدم ماهي تشوف في والو حاولت تهدي روحها وڨاتلهم فرغولها الدم الحمد لله بدات تبانلها الرصاصة شوية بعد ربع ساعة تنهدت بعمق قدرت تخرج الرصاصة الأولى اللي في الكتف باسكو كانت سطحية .... ضك بدا الصح لازم تنحي الرصاصة اللي في ضهرو بدات تخرج فيها مع الأول كان كلش نورمال بصح من بعد ولات تسمع في صوت الآلات الضغط بدا يرتفع ودقات القلب هبطو وهي بدات تتوتر ويديها ولاو يرجفوا أحمد : سارة ركزي معايا دارت ليه أحمد : شوفي متخميش في حسام ديري كي شغل هذا مريض آخر وراهو رايح يموت هيا لازم تسلكيه هاذي العملية تاعك نتي متنسايش هيا ختي معندناش الوقت سارة : أوكي بدات تهدي في روحها .... بسم الله بعد نصف ساعة كانت قدرت تخرج الرصاصة ورجعو القيم تاعو كيما كانوا وسلك حسام من الموت خرجت من البلوك تنهدت ومسحت العرق من جبهتها بيدها تبسمت إبتسامة مخلطة بالدموع اللي ساحوا تلقائيا !!!
************************************
واقفة في شومبرتها توجد في الفاليز تاعها رجعت شعرها للوراء وڨلباتو على جيهة وحدة باش ميقلقهاش كملت هزت فاليزتها وهبطت لتحت وجدت الفطور وراحت تنوض مايكل حلت باب الشومبرة بشوية لڨاتها غارقة في الظلما قربت لسرير حطي يدها على كتفو : مايك ... مايك نوض مفاقتش حتان لڨات روحها راڨدة جنبو في السرير مفهمتش كيفاه جبدها حاوطها بيديه وقرب ليها راح يبوسها وتضربو بدبزة للفم صوفيا : كلب واش راك تدير هبلت مايكل تخطف مسكين كان في المنام راح يبوس طفلة وتجيه دبزة من حيث لايدري ڨعد في السرير مخلوع مايكل : وش كاين وش صرا ؟! شكون ضربني؟! شكون نتوما ؟!وين راني ؟! صوفيا : حمار وتزيد تهدر وجهك صحيح كنت رايح ... رايح .... أعععععع .. كنت رايح تبوسني وأنا اللي ضربتك الشح فيك ديجا أرواح هنا نزيد نضربك مبردتش ڨلبي مايكل : آ سمحيلي كنت ننام والله وراح يجري وهي تجري وراه وتضرب فيه باللي جات ڨدامها !!
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
