كرونيك صراع مع القدر (باللهجة الجزائرية)🔥🔥

معاذ💔

💙سبحان الله وبحمده سبحان الله العظيم💙

في كندا و بالتحديد في مقاطعة ألبرتا هبطت صوفيا بعد ما لبست قشها سلمت على ماماها و باباها في خدو وڨعدت تفطر دارت توست كلاتو و زادت كبت قهوة سادة شربتها ......

ناض باباها و ڨالها تبعيني نحتاجك ناضت تمشي بشوية و لحڨاتو للبيرو تاعو ڨعد على كرسي تاع كوير أكحل و كبير و أشارلها بيدو باش تڨعد .....

ڨعدت مڨابلاتو وهزت ستيلو تلعب بيه وتستنى فيه يهدر حمحم و هدر بصوت خشين و قاوي اللي يسمعوا يخاف منو .......

جلال : أسمعي نسحقك اليوم تهبطي لدزاير مع مايكل تجيبيلي كامل المعلومات تاع حسام عبد الجليل وش ياكل؟ واش يشرب؟ وين يروح؟ وش يخدم؟ وين يسكن ؟كلش عليه منحتاج حتى حاجة ناقصة . تبسم بخبث وكمل بهمس :نضن لحڨ الوقت باش يخلص ثمن أعمالو 😈

صوفيا : أوكي كيما تحب وجبدت باكي دخان نحات ڨارو شعلاتو و بدات تتكيف فيه

عيط عليها جلال عيطة فريدة : يخي ڨتلك ألف مرة متتكيفيييييييش ڨداااااااامي😡😤😠

صوفيا بصوت بارد و إستهزاء : أووووبس بابا نسيت 😏 خرجت من البيرو و هي تتكيف طلعت لشومبرتها ......

دخلت للدوش طيشت الڨارو بعد ماكملت نصو و عفست عليه راحت للخزانة بدات تجبد في قشها وتحط في الفاليز تاعها كملت هزتها و هبطت و في نفس الوقت كانت هازة تيليفونها تهدر مع مايكل تفاهمو يتلاڨاو في المطار .....

خرجت ركبت في الموطو تاعها و ديراكتمو للمطار

💎💎💎💎💎💎💎💎💎💎💎💎💎

سارة

عيطتلي الفرملية ڨاتلي راهم جابو واحد دار آكسيدون و حالتو متعجبش رحت معاها و قلبي مزير
وصلت غير شفتو جمدت في بلاصتي و دخت..... حكمت في طابلة كانت ورايا و الفرملية راحت ليه و أنا تشوكيت رجليا فشلو ما قدرت نمشي ونروح ليه....... ما قدرت نعيط لكشما طبيب آخر يشوفو ......

الفرملية : دكتورة ... دكتورة ..... دكتورة المريض راح يموت ...

سارة : .................. .......

الفرملية : دكتوووووورة رايحين نفقدوا المريض ديري كشما حاجة

سارة :........................😐😐

الفرملية : ساااااااااااراااااااااااااا أفطني المريض راح يضيع من بين يدييييييينااااااا

عند هذي الكلمة فطنت جريت و دموعي هبطوا وحدهم وصلت عندو بديت نحرك فيه و نهدر : م ...... مع .... معاذ ..... نو ..... نوووض ومبعد بدا الضغط تاعو يهبط و دقات قلبو ولات ضعيفة حتان حبست قلبي تزير و النفس راحلي لالا .... لالا ماشي وقت الضعف لازم منخليش معاذ يروح من بين يدي مقدرتش ننقذ محمد لازم نسلك معاذ ....