بعد ما راح يوسف دخلت للدار زيرت على يدها وخبطتها للحيط 3 مرات حتان ساح الدم وعينيها حمارو وتعمروا بالدموع رحيق : سامحني يوسف ..... !!!
************************************
دخل جلال وخبط الباب تخطفت سارة من بلاصتها حست في جسمها كامل يوجع والبرد قتلها شافت من ومن لڨات روحها راڨدة على الأرض وتفكرت بلي خطفوها ڨعدت وتكمشت في الفاست تاعها وهي تشوف في جلال بخوف جلال : جيبولي كرسي نڨسرو شوي مع الضيفة تاعنا هههههههه راح واحد من رجالو جابلو كرسي وجا ڨعد جلال يشوف فيها ويضحك سارة : وش.... وش تحوسوا من ع... عنددي علااه خط..فتو..ني ؟! جلال : لالا الزينة متخافيش مزال الخوف خبيه منبعد تحتاجيه ههههههههههه ضك نحكيلك حكاية تفهمي منها كلش
كانوا كاينين 4 صحاب 3 ذراري وطفلة واحد من هاذوك الذراري كان يحب الطفلة هاذيك يموت عليها كبروا وطلعوا للجامعة وكملوا قرايتهم نهار تخرجوا ناض بكري ووجد روحوا وكان فرحان لدرجة كبيرة باسكو كان رايح يعترف لحبيبتو ويخطبها كي لحڨ للجامعة ودارو حفلة التخرج تاعهم خرج باش يهدر معاها وثم تصدم صدمة عمرو كانت حبيبتو متحضنة صاحبو تشوكا وحبس في بلاصتو مقدرش يتحرك حتى جاو هوما في ثلاثة ليه نطڨت هي وصاحبو مع بعض :" باركلنا رايحين نتخطبوا السمانة الجاية ." مالڨى مايڨول ڨال كلمة وحدة شوكاتهم :"وأنا ؟!" جاوبوه كيفاه نتا مفهمناش ؟!" شاف في الطفلة وسألها :" علاه خيرتيه هو؟! علاش خيرتي سليم؟! يخي أنا اللي حبيتك ؟! أنا اللي كنت مستعد نعطيك روحي لوكان طلبتيها علاش ضلمتيني ؟! علاش كسرتيلي ڨلبي ؟!منظنش بلي نستاهل هذا الالم اللي راني نحس فيه ؟!وش درتلك ڨوليلي برك ؟!"
شافت فيه الطفلة وهبطت راسها وأصلا ميقدرش يلومها باسكو هو اللي معترفلهاش حتان فات الحال هنا نطڨ سليم :" علاه مهدرتش علاه مڨلتناش ؟! - " صكر فمك نتا متهدرش من اليوم منعرفك متعرفني هيا عبدو " شاف فيه عبدو صاحبهم الثالث وڨالو : أصبر نحلوها هنا وديجا صح نتا لاه مهدرتش من الأول ؟!" -" نتا ثاني معاهم عبدو معليهش تخلصوها غالية." وراح وخلاهم من هذاك النهار وهو حاقد عليهم كان يشوف فيهم في عرسهم فرحانين وعبدو معاهم يشطح وفرحان ليهم حلف باش ينتقم منهم وبالفعل إنتقم وبعد عامين قتل سليم وخطف إبن عبدو الكبير وهاذو الصحاب كانوا هوما ....... و ....... و ....... و............
هيا غدوا نكملك الحكاية ضكا ضيفوها ههههههه بصح خليولها وجهها متمسوهش حكمها من خدها الزين هذا ملازمش يتشوه هههههه بعدت سارة وجهها من يدو بزربة وتخنزرت فيه ضحك وراح وهوما بداو يضربوا فيها وهي تبكي وعياطها واصل لبرا بصح للأسف البلاصة مهجورة وواحد مسمعها
#بقلم : عائشة
سلام البنات وشراكم ؟!
مانيش نحط باسكو التفاعل راهو قلييييل
هيا اللي تجيبلي شكون هوما الأصحاب الاربعة على الأقل 2 أسماء صحاح عندي مفاجأة ليها هيا أبهروني بتوقعاتكم 😉
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
